កូនទុកមួយឡែក យូរៗម្ដង Rain និងភរិយា ដើរកាន់ដៃគ្នាឡើងស្វីត

កូរ៉េខាងត្បូង៖​ អាចនិយាយបានថា តារាចម្រៀង លោក Rain និង តារាស្រី Kim Tae Hee គឺជាគូស្វាមីភរិយា ដ៏គំរូល្អមួយ នៅក្នុងឧស្សាហកម្មកម្សាន្តកូរ៉េ ដែលចាប់​តាំង​ពី​ មាន​ទំនាក់​ទំនង​ស្នេហា​ ជា​ផ្លូវ​ការ ព្រមទាំងបាន​រួម​រស់​ជាមួយ​គ្នា ​អស់​រយៈ​ពេល ១០ ឆ្នាំ​មក​នេះ រឿង​ស្នេហា​ដ៏​ស្រស់​ស្អាត ​របស់​អ្នក​ទាំង​ពីរ​ តែងតែធ្វើ​ឱ្យ​គ្រប់​គ្នា​ កោតសរសើរ​មិន​ដាច់ពីមាត់ ផងដែរ។

ប៉ុន្តែ ទោះមានភាពល្អប្រសើរយ៉ាងណាក្ដី គូស្នេហ៍ស្វាមីភរិយាមួយ ហាក់ដូចជា កម្រនឹងបើកបង្ហាញពីពេលវេលា ដ៏ផ្អែមល្ហែម នៅក្នុងជីវិតពិតខ្លាំងណាស់ ដែលធ្វើឲ្យអ្នកគាំទ្រជាច្រើន កាន់តែចង់ឃើញ ពីសកម្មភាព ក៏ដូចជា ទំនាក់ទំនងនៃការរស់នៅប្រចាំថ្ងៃ របស់អ្នកទាំងពីរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក កាលពីថ្មីៗនេះ លោក Rain និង Kim Tae Hee ស្រាប់តែបានធ្វើឲ្យអ្នកគាំទ្ររំជួលចិត្ត នៅពេលដែលបានឃើញ ប្ដីប្រពន្ធមួយគូនេះ បង្ហាញភាពល្អូកល្អើនជាមួយគ្នា នៅក្នុងរូបភាព ដែលថតបានដោយអ្នកដំណើរឆ្លងកាត់ ជាពិសេសនៅក្នុងនោះ អ្នកទាំងពីរ ថែមទាំងបាន ​កាន់​ដៃ​គ្នា​ដើរ​លេង ​យ៉ាង​ផ្អែមល្ហែម ក្នុងពេលដែលរូបនោះ អ្នកទាំងពីរត្រូវបានគេថត ពីខាងក្រោយក៏ដោយ ក៏អាចធ្វើឲ្យហ្វេនៗរំភើបចិត្តជំនួស ផងដែរ។ 

យ៉ាងណាមិញ តាមរយៈនេះ ធ្វើឲ្យមនុស្សជាច្រើន អាចសង្កេតឃើញថា បើទោះបីជា ប្ដីប្រពន្ធតារាប្រុសស្រីទាំងពីរ បានរួមរស់ជាមួយគ្នាអស់រយៈពេលយ៉ាងយូរហើយក្ដី ប៉ុន្តែទំនាក់ទំនងស្នេហា នៅតែចុះសម្រុងល្អ និងស្រលាញ់យល់ចិត្តគ្នា ដូចកាលពីដំបូងៗ គ្មានប្រែប្រួលនោះទេ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាកូរ៉េ