អ្នកណាមិនរំភើប Air Phantila ត្រូវគូស្នេហ៍សុំរៀបការក្រោមបរិយាកាសរ៉ូមែនទិកម្លឹងៗ

ថៃ៖ គឺជារឿងដ៏រំភើបរីករាយមួយ សម្រាប់ហ្វេនៗជាច្រើន បន្ទាប់ពី បានជ្រាបដំណឹង តារាស្រី Air Phantila ដែលត្រូវបានគូស្នេហ៍បណ្ដូលចិត្តរបស់ខ្លួន សុំរៀបការ ក្រោមបរិយាកាសយ៉ាងរ៉ូមែនទិក។ 

នៅក្នុងនោះដែរ តារាស្រីរូបនេះ ក៏បានបើកបង្ហាញឲ្យឃើញពីទិដ្ឋភាពទាំងមូល នាពេលរាត្រី ដែលមានការរៀបចំជាមួយនឹង ផ្កា ព្រមទាំងភ្លើងពណ៌ដ៏ស្រស់ស្អាត ដែលមានដាក់ពាក្យថា «Marry Me» ថែមទៀត។ ជាពិសេស នាងក៏បានបង្អួតនូវចិញ្ចៀនយ៉ាងប្រណីត ពាក់ជាប់នឹងម្រាមដៃ ដែលបានទទួលយល់ព្រមពីការស្នើរសុំ របស់គូស្នេហ៍នាង ផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលកាន់តែចាប់អារម្មណ៍ជាងនេះ តារាស្រី Due Arisara ដែលជាមិត្តជិតស្និទ្ធរបស់ Air Phantila ក៏បានធ្វើការបង្ហោះរូបភាពស្វីតៗរបស់គូស្នេហ៍អ្នកទាំងពីរ នៅក្នុងទិដ្ឋភាពដ៏រំជួលចិត្ត និងបានអបអរសាទរចំពោះអ្នកទាំង​ពីរ​ ដែលបានស្រលាញ់ យល់ចិត្តគ្នា ​ទៅ​វិញ​ទៅ​មក ព្រមទាំងចង់ឃើញ ពីអាពាហ៍ពិពាហ៍ បង្កើតគ្រួសារក្នុងពេលឆាប់ៗនេះ។

ជាមួយគ្នានេះដែរ ហ្វេនៗ ព្រមទាំងទស្សនិកជនជាច្រើន ក៏បានចូលមកអបអរ ចំពោះ Air Phantila និងគូស្នេហ៍ ដែលតែងតែមានពេលវេលា យល់ចិត្តគ្នា រហូតដល់មានថ្ងៃពិសេសនេះ ក៏ដូចជារង់ចាំ ពីដំណឹងមង្គលការ នាពេលខាងមុខនេះ ផងដែរ៕ 

សូមទស្សនារូបភាពខាងក្រោម៖ 

• តារាថៃ