មើលផ្ទះដ៏ស្កឹមស្កៃរបស់ Camila តម្លៃរាប់លានដុល្លារ ឡើងស្អាតខ្លាំង

បរទេស៖ ជាការពិតណាស់ បច្ចុប្បន្ននេះ តារាចម្រៀងស្រី Camila Cabello មិនត្រឹមតែមានប្រជាប្រិយភាព និងការគាំទ្រយ៉ាងខ្លាំង នៅក្នុងអាជីពសិល្បៈរបស់នាង តែប៉ុណ្ណោះទេ តែតារាស្រីរូបនេះ ថែមទាំងធ្វើឲ្យពួកគេ ចង់ដឹង និងតាមដាន ពីសកម្មភាពជីវិតរស់ប្រចាំថ្ងៃ ផងដែរ។ 

ដោយឡែក អ្វីដែលគួរឲ្យចាប់អារម្មណ៍បំផុតនោះគឺ តារាស្រី Camila Cabello ត្រូវបានគេដឹងថា ជាម្ចាស់​ផ្ទះដ៏ធំស្កឹមស្កៃមួយ ដែលមាន​ភាពស្រស់ស្អាត ​គួរ​ឱ្យ​ស្រឡាញ់​នៅ Hollywood Hills រដ្ឋ Los Angeles ។ ជាពិសេស Camila បានរស់នៅ ក្នុងផ្ទះមួយនេះ តាំងពីឆ្នាំ ២០១៩ ជាមួយនឹងមិត្តប្រុសរបស់ខ្លួន គឺលោក Shawn Mendes ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្ទះដ៏ធំទូលាយ របស់តារាចម្រៀងស្រីរូបនេះ មានផ្ទៃដីអគារ ទំហំ ៣៣០ ម៉ែតការ៉េ ។ ថ្វីត្បិតតែ មានទីធ្លាតូចចង្អៀតបន្តិចក៏ដោយ ប៉ុន្តែវាត្រូវបានរចនា តាមបែបវិទ្យាសាស្ត្រទំនើប ទាំងសួនច្បារ អាងហែលទឹកនៅខាងមុខផ្ទះ ។ ម៉្យាងវិញទៀត បន្ទប់ទទួលភ្ញៀវដ៏កក់ក្ដៅនៅក្នុងផ្ទះរបស់នាង ក៏អាចមើលឃើញ ពីអាងហែលទឹក និងសួនច្បារតូចមួយដែលនៅខាងក្រៅ ទៀតផង។ 

ជាពិសេស ផ្ទះវីឡាដ៏ប្រណីតមួយនេះ មានបន្ទប់គេងចំនួន ៤ ដែលសុទ្ធសឹងតែជាបន្ទប់ដ៏មានផាសុកភាព និងមានភាពស្រស់ស្អាត ដាក់តាំងដោយគ្រឿងសង្ហារឹមពណ៌ភ្លឺ ត្រជាក់ភ្នែក ដែលមើលឃើញហើយ ពិតជាគួរឲ្យចង់រស់នៅយ៉ាងខ្លាំង៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាអន្តរជាតិ