មើលមួយភ្លែតស្មាននំអន្សមខ្មែរ តាមពិតជាឈុតតំណាងជាតិ បវរកញ្ញាឯកចក្រវាលវៀតណាមសោះ?

តារាកម្សាន្ត៖ កាលពីពេលថ្មីៗកន្លងទៅនេះ យោងតាមគេហទំព័រហ្វេសប៊ុកផ្លូវការរបស់បវរកញ្ញាឯកចក្រវាលប្រចាំប្រទេសវៀតណាម នាង Nguyễn Huỳnh Kim Duyên បានធ្វើការបង្ហាញឈុតតំណាងជាតិផ្លូវការដែលជាការកែច្នៃចេញពីនំមួយប្រភេទមានសណ្ឋានស្រដៀងគ្នាទៅនឹងនំអន្សម រហូតធ្វើឲ្យមហាជន និងអ្នកគាំទ្រវិស័យបវរកញ្ញាទាំងនៅក្នុងប្រទេស និងនៅទូទាំងពិភពលោកផ្ទុះការភ្ញាក់ផ្អើលជាខ្លាំងតែម្តង។

ជាក់ស្តែងយោងតាមសាររបស់បវរកញ្ញារូបនេះ ឈុតតំណាងជាតិរបស់ប្រទេសវៀតណាម និងធ្វើឡើងតាមលំនាំនំប្រពៃណីរបស់វៀតណាមមួយប្រភេទមានឈ្មោះថា​ Tet ដែល​ជា​ម្ហូប​ពិសេស​របស់ប្រជាជនវៀតណាមនៅ​តំបន់​ទន្លេ Can Tho ហើយដោយសម្លៀកបំពាក់នេះត្រូវបានផលិត និងរចនាជាពិសេសដោយអ្នករចនា Khoa Lo ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា បវរកញ្ញាគ្រោងនឹងយកឈុតតំណាងជាតិនេះ ទៅចូលរួមប្រកួតនៅក្នុងកម្មវិធីប្រកួតបវរកញ្ញាឯកចក្រវាលលើកទី៧០ ដែលគ្រោងនឹងប្រារព្ធឡើងនៅប្រទេសអុីស្រាអ៊ែលនាចុងឆ្នាំ២០២១នេះ៕

ចង់ដឹងថាតើឈុតនេះ ស្រស់ស្អាតយ៉ាងណានោះ សូមទស្សនារូបភាពខាងក្រោមទាំងអស់គ្នា៖

• ម៉ូត
• រូបភាព
• តារាអន្តរជាតិ