ភ្នំពេញ៖ ប្រព័ន្ធអប់រំឌីជីថលនៅលើអនឡាញរបស់ក្រុមហ៊ុន មិត្តហ្វូន ត្រូវបានផ្ដល់ចំណាត់ថ្នាក់ជា«ដំណោះស្រាយបច្ចេកវិទ្យាព័ត៌មានធុរកិច្ចល្អបំផុតប្រចាំឆ្នាំ» ដោយស្ថាប័ន Globee Awards ដែលជាកម្មវិធីផ្ដល់ពានរង្វាន់និងចំណាត់ថ្នាក់ធុរកិច្ចអន្តរជាតិដ៏ល្បីល្បាញមួយ ។
ប្រព័ន្ធគ្រប់គ្រងព័ត៌មានសាលារៀន (SIS) ត្រូវបានអភិវឌ្ឍឡើងដោយក្រុមហ៊ុន មិត្តហ្វូន ដោយមានការគាំទ្រពីក្រសួងប្រៃសណីយ៍និងទូរគមនាគមន៍ និងដោយសហការជាមួយក្រសួងអប់រំ យុវជន និងកីឡា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមផែនការ SIS នឹងត្រូវដាក់ពង្រាយនៅតាមសាលារៀនចំនួន ១០០០កន្លែង នៅទូទាំងប្រទេសកម្ពុជា ហើយនៅដំណាក់កាលដំបូង ប្រព័ន្ធនេះត្រូវបានសាលារៀនចំនួន ៣០០កន្លែង បានប្រើប្រាស់រួចជាស្រេចហើយ ដោយក្នុងនោះមានសិស្សចំនួនជាង ៣០០.០០០នាក់ និងគ្រូជាង ២០.០០០នាក់ ។ នេះបើយោងតាមការឲ្យដឹងពីគណៈគ្រប់គ្រងរបស់ មិត្តហ្វូន ។
លោក ហ្វុង វ៉ាន់ គឿង អគ្គនាយកក្រុមហ៊ុន មិត្តហ្វូន បានមានប្រសាសន៍ថា ប្រព័ន្ធ SIS ត្រូវបានទទួលស្គាល់ដោយស្ថាប័នអន្តរជាតិ Globee Awards ថាជាកម្មវិធីអប់រំឌីជីថលមួយដែលស្ថិតក្នុងចំណោមកម្មវិធីលំដាប់កំពូលៗនៅលើពិភពលោក ។
លោកបានថ្លែងប្រាប់យ៉ាងដូច្នេះថា៖
លោកបានបន្ថែមថា៖
យោងតាមក្រុមហ៊ុន មិត្តហ្វូន បានឲ្យដឹងថា ប្រព័ន្ធ SIS ផ្ដល់នូវអត្ថប្រយោជន៍ ៣ សំខាន់ៗ ដល់អ្នកប្រើប្រាស់ ។ ទីមួយ ប្រព័ន្ធនេះផ្ដល់នូវកម្មវិធីអនឡាញមួយដែលអ្នកប្រើប្រាស់អាចចូលប្រើវាបានដោយប្រើអ៊ីនធឺណិត ។ ទីពីរ ប្រព័ន្ធនេះផ្ដល់កម្មវិធីសិក្សាបត់បែនបានដើម្បីបំពេញតាមតម្រូវការរបស់សាលារៀន និងទីបី វាផ្ដល់នូវអត្ថប្រយោជន៍ផ្នែកតភ្ជាប់ដោយអ្នកប្រើប្រាស់ប្រព័ន្ធទូរសព្ទមិត្តហ្វូន អាចចូលប្រើប្រព័ន្ធ SIS ដោយមិនគិតថ្លៃអ៊ីនធឺណិត ។
គម្រោង SIS បង្កើតឡើងក្នុងគោលដៅចូលរួមចំណែកដល់កិច្ចអភិវឌ្ឍន៍នៃវិស័យអប់រំរបស់កម្ពុជា តាមរយៈការផ្ដល់សេវាកម្មឌីជីថលដល់សាលារៀនជាង ១០០០កន្លែង នៅទូទាំងប្រទេស ។
គម្រោងឌីជីថលមួយនេះមានគោលបំណងលើកកម្ពស់បទពិសោធន៍របស់សិស្សានុសិស្សតាមរយៈ៖
- បង្កលក្ខណៈឲ្យសិស្សចូលប្រើតាមរយៈកម្មវិធីអេបទូរសព្ទដៃ ឬកម្មវិធីនៅលើអនឡាញ
- ផ្ដល់ជម្រើសសម្បូរបែបសម្រាប់ការសិក្សាតាមអនឡាញ
- ប្រើប្រាស់បច្ចេកវិទ្យាដើម្បីតាមដានលទ្ធផលសិក្សារបស់សិស្ស និងពង្រឹងកម្មវិធីអន្តរាគមន៍
ផ្ដល់លទ្ធភាពដល់បុគ្គលិកសិក្សាក្នុងការរៀបចំចាត់ចែងថ្នាក់រៀននៅលើអនឡាញ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
