ឃើញរូបនេះ ទើបដឹងថា Selena មិនត្រឹមតែស្អាត តែថែមទាំងមានចរិតបែបនេះទៀត​

បរទេស៖ ជាការពិតណាស់ តារាចម្រៀងស្រី Selena Gomez មិន​ត្រឹម​តែ​មាន ​រូប​សម្រស់​ស្រស់​ស្អាត​គួរឲ្យចាប់អារម្មណ៍តែប៉ុណ្ណោះ​ទេ ប៉ុន្តែ​នាងត្រូវគេដឹងថា ​មាន​ចរិត​ស្លូតបូត និង​រួសរាយ​រាក់ទាក់​ ថែមទៀតផង​ ដែលនេះ ក៏ត្រូវបានបង្ហាញដោយមិត្តៗរួមអាជីព របស់នាង និងនៅក្នុងអំឡុងពេល ចាក់បញ្ចាំងរឿង «Dolittle» ឆ្នាំ ២០២០។

ក្នុងនោះដែរ សម្រស់​រងបស់តារាចម្រៀងស្រី Selena បាន​ក្លាយ​ជា​ចំណុច​ដ៏លេចធ្លោ នៅ​លើ​កម្រាល​ព្រំ​ក្រហម ​ដោយ​សារ​ភាពស្រស់​ស្អាត និង​ស្នាម​ញញឹម​ស្រស់ស្រាយយ៉ាងស្រទន់។ មិនត្រឹមតែប៉ុណ្ណោះ ចំពោះសកម្មភាពមួយ របស់ Selena Gomez នៅចុងបញ្ចប់នៃព្រឹត្តិការណ៍ ដែលធ្វើឲ្យអ្នកនិយមលេងអ៊ីនធឺណិត កាន់តែចាប់អារម្មណ៍ខ្លាំងឡើង ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅពេលនោះ គឺជាពេល ដែលក្រុមតារាទាំងមូល បានថតរូបជាក្រុម ហើយមនុស្សមួយចំនួនដែលឈរនៅខាងក្រៅ មិនអាចចូលទៅក្នុងកន្លែងថតបាន ដោយសារតែ កន្លែងចង្អៀត។ នៅពេលឃើញភាពរអាក់រអួលនេះភ្លាម តារាស្រី Selena បានបោះជំហានទៅមុខ យ៉ាងលឿន ហើយអង្គុយលើឥដ្ឋ ដើម្បីឱ្យអ្នកយកព័ត៌មាន អាចចាប់យករូបភាពតួសម្តែងទាំងមូល។

ហើយសកម្មភាព​តូចតាចមួយនេះ អាច​បង្ហាញ​ថា ​នាងពិតជា​មាន​ចិត្ត​ និង​យក​ចិត្ត​ទុក​ដាក់​ ចំពោះ​មិត្ត​រួម​ការងារ ព្រមទាំងត្រូវបាន ​អ្នក​និយម​លេង​អ៊ីនធឺណិត​សរសើរ​ ពី​ទង្វើ​ដ៏​ល្អ ទោះបីជាស្លៀកសំពត់វែង និងត្រូវប្រឡាក់ ក៏នាងមិនប្រកាន់ ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាអន្តរជាតិ