ចាប់បានហើយ ជនជាតិឡាវ ដែលហែក​គុក​រត់ តែនៅ​សល់​៣​នាក់​ទៀត

ខេត្តស្ទឹងត្រែង៖ ពេលនេះ អ្នកទោស​ជនជាតិ​ឡាវ​​ប្រឹង​គេចខ្លួន ដោយ​ធ្វើ​ដំណើរ​ថ្មើរជើង​កាត់​ព្រៃ ចាប់ពី​ភូមិសាស្ត្រ​ស្រុក​ថា​ឡា​បរិ​វ៉ា​ត់ រហូត​ទៅ​ដល់​ស្រុក​បូ​រី​អូរ​ស្វាយ​សែន​ជ័យ មាន​ចម្ងាយ​រាប់​សិប​គីឡូម៉ែត្រ​ដី ដើម្បី​ឆ្លង​ចូល​ប្រទេស​ខ្លួន ​ត្រូវបានកម្លាំងចម្រុះ ចាប់ខ្លួនបានវិញហើយ។

សូមជម្រាបថា អ្នកទោស​ជនជាតិ​ឡាវ ជួញដូរ​គ្រឿងញៀន ដែល​ត្រូវ​តុលាការ​កម្ពុជា​សម្រេច​កាត់ទោស​ឲ្យ​ជាប់​ពន្ធនាគារ​អស់​មួយ​ជីវិត ហើយ​បាន​ធ្វើ​សកម្មភាព រត់​ចេញពី​គុក ជាមួយនឹង​អ្នកទោស ៦​នាក់​ផ្សេង​ទៀត នា​ព្រឹក​ថ្ងៃ​ទី ១២​ខែវិច្ឆិកា​២០២១ ត្រូវ​កងកម្លាំង​សមត្ថកិច្ច​ចម្រុះ តាម​ចាប់ខ្លួន​បាន​វិញ​ហើយ នៅ​ក្នុងស្រុក​បុរី​អូរ​ស្វាយ​សែន​ជ័យ ដែល​ជា​ស្រុក ជាប់​ព្រំដែន​កម្ពុជា​-​ឡាវ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើយោង​តាម​ប្រភព​ព័ត៌មាន​ នាពេលថ្មីៗកន្លងមកនេះ អ្នកទោសចំនួន ៧​នាក់ បាន​ធ្វើ​សកម្មភាព ទម្លុះ​ជញ្ជាំង​ថ្ម រត់​ចេញពី​ពន្ធនាគារ ហើយ​បន្ត អុំទូក​ឆ្លងទន្លេ នឹង​បែកផ្លូវ​គ្នា​នោះ កងកម្លាំង​សមត្ថកិច្ច​ចម្រុះ ដែល​មាន​កម្លាំង​អាវុធហត្ថ កម្លាំងយោធា កម្លាំង​នគរបាល និង​កម្លាំង​អនុរក្ស​ពន្ធនាគារ ព្រមទាំង​កម្លាំង​អគ្គនាយកដ្ឋាន​ពន្ធនាគារ បាន​បន្តសកម្មភាព ស្វែងរក ដើម្បី​ចាប់ខ្លួន​អ្នកទោស​ទាំងនោះ ត្រឡប់​មក​វិញ ជាក់ស្ដែង​ក្នុង​ចំណោម​អ្នកទោស ៧ នាក់ ត្រូវ​បាន​កងកម្លាំង​សមត្ថកិច្ច​ចម្រុះ ធ្វើការ​ចាប់ខ្លួន​ជា​បន្តបន្ទាប់ ត្រឡប់​មក​វិញ បាន​ចំនួន​៤​នាក់ សុទ្ធ​សឹង​ជា​អ្នកទោស​ជួញដូរ​គ្រឿងញៀន ក្នុង​នោះ​មាន​អ្នកទោស​គ្រឿង ។

ប្រភព​ព័ត៌មាន​ដដែល បាន​បន្ថែម​ទៀត​ថា ចំណេ​កឯ​អ្នកទោស​ចំនួន ៣​នាក់​ទៀត ដែល​ពុំ​ទាន់​ចាប់​បាន ក៏​ត្រូវ​សមត្ថកិច្ច កំពុង​តាមដាន​ស្វែងរក ដើម្បី​ចាប់ខ្លួន​ត្រឡប់​មក​វិញ​ដែរ ។

ជាមួយគ្នានេះដែរ បើតាម​លោក សេង សំ​អាន មេបញ្ជាការ​កងរាជអាវុធហត្ថ ស្រុក​ថា​ឡា​បរិ​វ៉ា​ត់ បាន​ឲ្យ​ដឹង​ថា នា​ព្រឹក​ថ្ងៃ​ទី​១២ ខែវិច្ឆិកា ឆ្នាំ ២០២១ នេះ កងកម្លាំង​ចម្រុះ បាន​ធ្វើការ​ចាប់ខ្លួន អ្នកទោស​ជនជាតិ​ឡាវ បាន​ម្នាក់​ទៀត ស្ថិត​នៅ​ចំណុច​កោះ​ភ្ញួ​យ ភូមិ​កោះ​ស្រឡៅ ឃុំ​កោះ​ស្នែង ស្រុក​បូ​រី​អូរ​ស្វាយ​សែន​ជ័យ ដែល​ជា​ស្រុក​ជាប់​ព្រំដែន​ប្រទេស​ឡាវ៕

ប្រភព៖ KSP