នារីវ័យក្មេងYouTuberបរទេសម្នាក់ មុខដូច Rosé ម្លឹងៗ

បរទេស៖ បច្ចុប្បន្នក្រុមចម្រៀងស្រីកូរ៉េខាងត្បូង Black Pink កំពុងទទួលលបានការចាប់អារម្មណ៍ខ្លាំងពីបណ្ដាប្រទេសផ្សេងៗជុំវិញពិភពលោក។​ ពិតណាស់​ បើក្រឡេកមើលសមាជិកម្នាក់ក្នុងក្រុមចម្រៀងK-Popមួយនេះ ដែលត្រូវបានគេស្គាល់ថាជាសមាជិកមានសម្លេងផ្អែមពីរោះ និងមានរូបរាងស្លីមស្អាតជាងគេគឺ Rosé។ ក្នុងនោះដែរ តារាស្រីមួយនេះ ត្រូវបានអ្នកលេងបណ្ដាញសង្គមជាច្រើនកោតសរសើរជាខ្លាំងលើសមត្ថភាព និងទេពកោសល្យ ជាពិសេសរូបសម្ផស្សដ៏ស្រស់ស្អាតផូរផង់របស់នាងតែម្ដង។ 

លើសពីនេះទៅទៀត គេចាប់អារម្មណ៍ឃើញថា Rosé ជាតារាមួយរូបដែលមានរាងទាក់ទាញខ្លាំង គ្រប់ពេលដែលនាងតុបតែងខ្លួន ស្លៀកក្នុងសម្លៀកបំពាក់បែបណាក៏មើលទៅសាកសមគ្មានទាស់ភ្នែកឡើយ។ ប៉ុន្តែអ្វីដែលគេកាន់តែចាប់អារម្មណ៍ ហើយនឹកស្មានមិនដល់នោះ ថ្មីៗនេះអ្នកបណ្ដាញសង្គម instagram ព្រមទាំងហ្វេនតារាស្រីរូបនេះផ្ទាល់ មានការភ្ញាក់ផ្អើលគ្រប់គ្នា ខណៈមាននារី YouTuber វ័យក្មេងម្នាក់មានមុខមាត់ស្រដៀងនឹងតារាលំដាប់អន្តរជាតិរូបនេះសឹងតែដូច៩៩.៩៩ភាគរយទៅហើយ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ នារីវ័យក្មេងដែលគេនិយាយថាមានមុខដូច Roséនោះ នាងមានឈ្មោះ Allissa Shin ហើយគ្រប់រូបភាពរបស់យុវតីរូបនេះបង្ហោះម្ដងៗ ទួលបានការសរសើរពីអ្នកលេងបណ្ដាញសង្គមគ្រប់ពេលតែម្ដង។ ក្នុងនោះដែរ មិនត្រឹមតែមានមុខមាត់ដូចប៉ុណ្ណោះទេ តែបើមើលទៅលើស្ទាយ៍តែងខ្លួន និងពណ៌សក់គឺដូចគ្នាបេះដាក់ បើឃើញត្រឹមមួយភ្លែតប្រាកដជាច្រឡំថាមនុស្សតែម្នាក់មិនខាន។ ម្យ៉ាងវិញទៀត គេកត់សម្គាល់ឃើញ ទឹកមុខសើច ញញ្ញឹម ឬធ្វើមុខស្មើរបស់ Allissa Shin គឺប្រហាក់ប្រហែលនឹងសមាជិកក្រុម Black Pink ម្នាក់នេះសឹងតែដូចកូនភ្លោះ៕

ចង់ជ្រាបច្បាស់ សូមទស្សនារូបភាពខាងក្រោម៖ 

• រូបភាព
• តារាកូរ៉េ