ធនធានកម្រ! ត្រីគល់រាំងទម្ងន់ជិត១០០គីឡូ ត្រូវប្រជានេសាទចាប់បាននៅខេត្ត..

ខេត្តត្បូងឃ្មុំ៖ កាលពីពេលថ្មីៗកន្លងទៅនេះ ត្រីគល់រាំងមួយក្បាលទម្ងន់ជិត១០០គីឡូក្រាម ត្រូវបានប្រជានេសាទរស់នៅក្នុងឃុំរកា​ខ្នុរ ស្រុក​ក្រូចឆ្មារ​ ខេត្ត​ត្បូងឃ្មុំ​ ចាប់បានតែត្រូវសប្បុរសជនម្នាក់ទិញ ហើយបានលែងចូលក្នុង​ទន្លេមេគង្គ ដែលបានបង្កជាការភ្ញាក់ផ្អើលយ៉ាងខ្លាំង ដល់ប្រជាជននៅក្នុងតំបន់ ដែលកម្របានប្រទះឃើញត្រីប្រភេទនេះ។

ជាក់ស្តែងនៅក្នុងវីដេអូនោះ ត្រីគល់រាំងដ៏ធំមានទម្ងន់ជាង១០០គីឡូ ត្រូវបានប្រជានេសាទពីរនាក់ប្តីប្រពន្ធ ចាប់បានរួចដោះសន្ទូចពីមាត់ត្រីដ៏កម្រនេះ នឹងបានប្រលែងចូលទៅក្នុងទឹកទន្លេមេគង្គវិញ ដើម្បីឲ្យវាអាចបន្តពូជ និងអាចនៅតែបន្តមានវត្តមាននៅក្នុងប្រទេសកម្ពុជា។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា ត្រីគល់រាំង ត្រូវបានចាត់ទុកជាអត្តសញ្ញាណជាតិនៃព្រះរាជាណាចក្រកម្ពុជា ដោយមាននាមថាជាមច្ឆាតំណាងជាតិ និងជាប្រភេទត្រីដ៏កម្រ និងកំពុងរងនូវការជិតផុតពូជនៅលើពិភពលោក៕

ចង់ជ្រាបកាន់តែច្បាស់ សូមទស្សនារូបភាព និងវីដេអូខាងក្រោមទាំងអស់គ្នា៖

• រូបភាព