ស្គមពេកពិបាកចឹង​ ទោះជាតែងខ្លួនស្អាត Angelababy នៅតែត្រូវគេរិះគន់ដែរ

ចិន៖ កាលពីល្ងាចថ្ងៃទី ១៣ ខែវិច្ឆិកា កន្លងទៅ កម្មវិធី រាត្រីសប្បុរសធម៌ Harper's Bazaar ត្រូវបានប្រារព្ធឡើង នៅទីក្រុងសៀងហៃ ដោយនៅក្នុងនោះ មានវត្តមានតារាល្បីៗក្នុងឧស្សាហកម្មកម្សាន្តជាច្រើន បានបង្ហាញខ្លួន នៅលើកម្រាលព្រំក្រហម យ៉ាងស្រស់សោភា គួរជាទីចាប់អារម្មណ៍។

ប៉ុន្តែរឿងដែលធ្វើឲ្យហ្វេនៗគ្រប់គ្នាកត់សម្គាល់យ៉ាងខ្លាំងនោះគឺ តារាស្រី Angelababy ដែលបានចេញមក​​ ជាមួយនឹងតុបតែងខ្លួនក្នុងឈុតរ៉ូបពណ៌ស្រស់វែង រចនាម៉ូតលាយឡំផ្កាពណ៌ចម្រុះគ្នា និងបង្ហាញសម្រស់រូបរាងដ៏ទាក់ទាញ ថែមទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែតាមរយៈរូបភាពមួយចំនួន តារាស្រី Angelababy ស្រាប់តែបង្ហាញឲ្យឃើញពីចំណុចធ្លាក់ចុះនៃសម្រស់ ព្រោះពេលនាងបានគ្រងឈុតដ៏ស្រស់ស្អាតមួយនេះ បែរជាលេចចេញនូវរូបរាងស្គមខ្លាំង ឃើញយ៉ាងច្បាស់ពីឆ្អឹងទ្រូង ដែលបាន​ធ្វើ​ឱ្យ​មហាជនជាច្រើន មាន​អារម្មណ៍​ក្រៀមក្រំ និងខកចិត្តចំពោះការបង្ហាញសម្រស់លើកនេះ ខណៈដែលអ្នកមួយចំនួនទៀត ក៏បានបង្ហាញពី ការបារម្ភ​ទៅលើសុខភាព​របស់​នាង ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន