ទោះជាកំពុងជាប់ឃុំ តែ Kris នៅអាចធ្វើទង្វើមួយនេះបានទៀត

ចិន៖ ចាប់តាំងពីជាប់គុក អស់រយៈពេលជិត ៣ ខែ ពីបទសង្ស័យរំលោភ តារាចម្រៀងប្រុស លោក Wu Yifan បានធ្វើឱ្យទស្សនិកជនជាច្រើនពិតជាមានការសោកស្ដាយ និងនឹកស្មានមិនដល់​ ហើយព័ត៌មានទាំងអស់ ដែលទាក់ទងនឹងតារាប្រុសរូបនេះ ក៏ត្រូវបានរាយការណ៍ជាបន្តបន្ទាប់ ដោយប្រព័ន្ធផ្សព្វផ្សាយរៀងរាល់វិនាទី។

ដោយឡែក នៅល្ងាចថ្ងៃទី ១២ ខែវិច្ឆិកា កន្លងទៅនេះ គេហទំព័រ Sina ស្រាប់តែបានរាយការណ៍ពីព័ត៌មានដ៏ភ្ញាក់ផ្អើលមួយ អំពីទង្វើរបស់ លោក Wu Yifan ខណៈពេលកំពុងជាប់ពន្ធនាគារ។ ដោយតារាប្រុសរូបនេះ បានធ្វើការដកពាក្យបណ្ដឹងរបស់ខ្លួន ប្រឆាំងនឹងជនជាប់ចោទពីរនាក់ អំពីជម្លោះ ទំនួលខុសត្រូវផ្លូវច្បាប់ នៅលើអ៊ីនធឺណិត។ ហើយបន្ទាប់​ពី ​ដំណើរ​ការនៃការ​ពិនិត្យ​ឡើង​វិញ ខាងតុលាការ​ បាន​អនុញ្ញាត​ឱ្យតារាប្រុសរូបនេះ ដក​ពាក្យ​បណ្តឹង​វិញ​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ គ្រប់គ្នាពិតជាមិនដឹងពីមូលហេតុពិតប្រាកដ ដែលតារាចម្រៀងប្រុសរូបនេះ បានសម្រេចចិត្តបែបនេះ អំឡុងពេលជាប់គុកនោះទេ តែទោះជាយ៉ាងណា រឿងមួយនេះ បែរជាបានក្លាយជា ប្រធានបទដ៏ក្តៅនៅលើ Weibo និងមានអ្នកតាមដានជាច្រើន ចង់ដឹងពីរឿងរ៉ាវរបស់លោក ក៏ដូចជា រង់ចាំមើលពីការសម្រេចរបស់អាជ្ញាធរ ទៅលើរឿងអាស្រូវរបស់លោក ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន