ស្អែកនេះ អ្នកដំណើរដែលចាក់វ៉ាក់សាំងរួច អាចចូលមកប្រទេសកម្ពុជា មិនចាំបាច់ធ្វើចត្តាឡីស័កទៀតនោះទេ

ភ្នំពេញ៖ ចាប់ពីស្អែកនេះតទៅ អ្នកដែលបានចាក់វ៉ាក់សាំងកូវីដ១៩ រួច មិនជនជាតិខ្មែរ ឬក៏បរទេសនោះឡើយ គឺអាចចូលមកក្នុងប្រទេសកម្ពុជាបានដោយ មិនធ្វើចត្តាឡីស័ក។

ដោយឡែក សម្តេចអគ្គមហាសេនាបតីតេជោ ហ៊ុន សែន បានអញ្ជើញថ្លែងសារពិសេសថា ចំពោះអ្នកដំណើរមកពីក្រៅប្រទេស ដែលបានចាក់វ៉ាក់សាំងកូវីដ១៩រួចរាល់ អាចចូលមកទឹកដីកម្ពុជាបានដោយមិនធ្វើចត្តាឡីស័ក១៤ថ្ងៃដូចមុនទៀតឡើយ ប៉ុន្តែត្រូវតម្រូវធ្វើតេស្តរកមេរោគកូវីដ១៩ តាមរយៈម៉ាសុីនតេស្តរហ័ស (Rapid Test) ដោយចំណាយពេល១៥ ទៅ២០នាទីប៉ុណ្ណោះ ចំណែកអ្នកដែលមិនបានចាក់វ៉ាក់សាំងកូវីដ១៩ គឺត្រូវតែធ្វើតេស្តកូវីដ១៩ តាមរយៈ ម៉ាសុីនPCR និងធ្វើចត្តាឡីស័ក១៤ថ្ងៃ ដោយអនុវត្តទៅលើមធ្យោបាយធ្វើដំណើរទាំងផ្លូវគោក ផ្លូវទឹក និងផ្លូវអាកាស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ សេចក្តីសម្រេចនេះ ចាប់ផ្តើមចាប់ពី ថ្ងៃច័ន្ទ ទី១៥ ខែវិចិ្ឆកា ឆ្នាំ២០២១នេះតទៅ។

អាស្រ័យហេតុនេះ ប្រជាពលរដ្ឋទាំងអស់មេត្តាជ្រាបជាដំណឹងផងដែរ៕

សូមចូលទស្សនារូបភាព និងសារសម្លេងសម្តេចតេជោខាងក្រោម៖