ពេលនេះ Britney មានសេរីភាពបន្ទាប់ពីឪពុកចិត្តខ្មៅ គ្រប់គ្រងអស់រយៈពេល ១៣ ឆ្នាំ

បរទេស៖ នេះបើតាមប្រព័ន្ធផ្សព្វផ្សាយ តុលាការបានប្រកាសពីការបញ្ចប់រឿងក្តី សម្រាប់ Britney Spears កាលនៅថ្ងៃទី ១២ ខែវិច្ឆិកា ពាក់ព័ន្ធទៅនឹងជីវិតរយៈពេល ១៣ ឆ្នាំ របស់តារាចម្រៀងរូបនេះ មិនមានសេរីភាពក្នុងការសម្រេចចិត្តអំពីជីវិតរបស់នាង។

ជាក់ស្តែង ចៅក្រម Brenda Penny បាននិយាយនៅក្នុងសវនាការនៅរសៀលថ្ងៃសុក្រនៅតុលាការជាន់ខ្ពស់ Los Angeles ថា តុលាការបានរកឃើញថាអាណាព្យាបាល និងការគ្រប់គ្រងទ្រព្យសម្បត្តិរបស់ Britney Spears លែងចាំបាច់ ហេតុដូច្នេះ តុលាការបានសម្រេចរំសាយចោលកិច្ចព្រមព្រៀងនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មេធាវីរបស់ Britney លោក Mathew Rosengart ក៏បានបកស្រាយ ជុំវិញបញ្ហានេះ ប្រាប់ទៅកាន់អ្នកសារព័ត៌មានបន្ទាប់ពីការកាត់ក្តីថា នេះគឺជាថ្ងៃដ៏ធំសម្រាប់ Britney ។ រូបលោក ពិតជាមានមោទនភាពចំពោះនាងណាស់​ ថែមទាំងកោតសរសើរចំពោះភាពក្លាហាន ភាពរឹងមាំ និងកម្លាំងរបស់នាងដូច្នេះដែរ៕

ប្រភព៖ https://www.bbc.com/

សូមទស្សនារូបភាពខាងក្រោម៖

• ម៉ូត
• តារាអន្តរជាតិ