តិចនិកទាំង៥ កម្ចាត់ស្នាមលើផ្ទៃមុខ និងពណ៌ស្បែកមិនស៊ីគ្នា!

ស្លាកស្នាមលើផ្ទៃមុខ ឬពណ៌ស្បែកមិនស៊ីគ្នា ធ្វើឲ្យស្រីៗយើងបាត់បង់ទំនុកចិត្ត និងភាពជឿជាក់ចំពោះសម្រស់របស់ខ្លួនយ៉ាងខ្លាំង។ ពិតណាស់ កង្វល់ស្បែកមួយនេះ ជាទូទៅ បណ្ដាលមកពីកោសិកាស្បែកងាប់ច្រើនជ្រុលនៅលើផ្ទៃខាងលើនៃស្បែក។ កម្ដៅថ្ងៃ និងជាតិពុលពីបរិស្ថានក៏ជាមូលហេតុដែលធ្វើឲ្យស្បែកមិនស៊ីគ្នាដែរ។

ចំណែកឯបញ្ហាមុន ការបាត់បង់ជាតិខូឡាជែនដោយសារតែភាពចាស់ ក៏រួមចំណែកធ្វើឲ្យស្បែករបស់យើងគ្រើម មិនរលោង និងមានស្លាកស្នាមដូចគ្នា។ ដូច្នេះហើយ ដើម្បីដោះស្រាយបញ្ហាស្នាម និងពណ៌ស្បែកមិនស្មើគ្នា គ្នាយើងអាចអនុវត្តតាមតិចនិកងាយៗខាងក្រោមនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ញ៉ាំទឹកឲ្យបានគ្រប់គ្រាន់

ការបំពេញជាតិទឹកនៃស្បែកអាចជួយឲ្យស្បែកមានសំណើម ទន់ល្មើយ និងមានសុខភាពល្អ។ ជាក់ស្ដែង ស្បែកដែលមានសំណើមមិនងាយស្រអាប់ និងកើតមានបញ្ហាពណ៌ស្បែកមិនស៊ីគ្នាឡើយ។

២. ជម្រុះកោសិកាងាប់

ការជម្រុះកោសិកាងាប់ជារៀងរាល់សប្ដាហ៍មានសារសំខាន់ណាស់។ ប៉ុន្តែ យើងចាំបាច់ត្រូវជ្រើសរើសប្រភេទក្រែមជម្រុះកោសិកាដែលមិនមានជាតិកាត់ខ្លាំង ដើម្បីបញ្ចៀសការផលិតជាតិខ្លាញ់ច្រើនជ្រុល។

៣. ប្រើប្រេងលាបមុខ

ជាមួយគ្នានេះដែរ ការប្រើប្រេងលាបមុខអាចការពារស្បែកពីការផលិតជាតិប្រេងច្រើនជ្រុល។ លើសពីនេះ វាក៏អាចកាត់បន្ថយការបាត់បង់សំណើមនៃស្បែក ក៏ដូចជាអាចរក្សាសំណើមធម្មជាតិនៃស្បែករបស់យើងផងដែរ។

៤. វីតាមីនC

វីតាមីនC ជាសារធាតុផ្សំដែលមិនអាចខ្វះខាត ពីព្រោះវាមានតួនាទីការពារស្បែកប្រឆាំងនឹងរ៉ាឌីកាល់សេរីនៅក្នុងបរិស្ថាន ដែលជាហេតុនាំឲ្យពណ៌ស្បែកមិនស៊ីគ្នា។ មួយវិញទៀត វីតាមីននេះ ក៏ជួយឲ្យស្បែកភ្លឺ កាត់បន្ថយស្នាមជ្រីវជ្រួញ និងជួយរក្សាជាតិសំណើមនៃស្បែកថែមទៀតផង។

៥. ប្រើក្រែមការពារកម្ដៅថ្ងៃ

ដោយសារតែបញ្ហាពណ៌ស្បែកមិនស៊ីគ្នាច្រើនតែបណ្ដាលមកពីកម្ដៅថ្ងៃ យើងចាំបាច់ត្រូវប្រើក្រែមការពារកម្ដៅថ្ងៃជារៀងរាល់ថ្ងៃ។ បន្ថែមពីនេះ វាក៏អាចកាត់បន្ថយភាពចាស់ ការពារការរលាកស្បែក ព្រមទាំងកាត់បន្ថយហានិភ័យនៃជំងឺមហារីកស្បែក។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

១. ញ៉ាំ​ទឹក​ឲ្យ​បាន​គ្រប់គ្រាន់​

២. ​ជម្រុះ​កោសិកា​ងាប់​​​​

៣. ប្រើ​ប្រេង​លាប​មុខ

៤. វីតាមីន​C

៥. ​ប្រើ​ក្រែម​ការពារ​កម្ដៅ​ថ្ងៃ​

In Case You Missed It

១. ញ៉ាំទឹកឲ្យបានគ្រប់គ្រាន់

២. ជម្រុះកោសិកាងាប់

៣. ប្រើប្រេងលាបមុខ

៤. វីតាមីនC

៥. ប្រើក្រែមការពារកម្ដៅថ្ងៃ