ក្មេងកើតឫស អាចមកពីមូលហេតុទាំងនេះ បង្ការបែបណា?

ឫសជាការលូតលាស់នៃស្បែក ដែលបង្កឡើងដោយវីរុស ហើយជាទូទៅ វាកើតលើកុមារ។ ឫសភាគច្រើនកើតនៅលើដៃ ជើង និងពេលខ្លះកើតនៅលើផ្នែកណាមួយនៃរាងកាយ។ ឫសមានច្រើនប្រភេទ ដែលមានពណ៌ដូចទៅនឹងស្បែករបស់យើង ប៉ុន្តែឫសខ្លះទៀតក៏អាចមានពណ៌ខ្មៅ។ ផ្ទៃនៃឫសអាចមានសភាពរលោង ឬគ្រើម។ ឫសបណ្ដាលមកពីវីរុសHPV ដែលធ្វើឲ្យស្រទាប់ខាងលើនៃស្បែកលូតលាស់យ៉ាងឆាប់រហ័ស និងអាចឆ្លងពីមនុស្សម្នាក់ទៅមនុស្សម្នាក់ទៀតបាន។

ឫសកើតលើកុមារឆ្លងតាមរយៈអ្វី?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រាលដាលលើរាងកាយរបស់ក្មេង និងនៅពេលដែលក្មេងប៉ះឫសនោះ ហើយយកដៃទៅប៉ះកន្លែងផ្សេងទៀតនៃរាងកាយ។
ប៉ះពាល់នឹងក្មេងដទៃទៀតដែលកើតឫស។

បញ្ហាឫសតែងតែបាត់ទៅវិញដោយខ្លួនឯងនៅរយៈពេលប៉ុន្មានខែ ឬប៉ុន្មានឆ្នាំក្រោយ។ ប៉ុន្តែ ប្រសិនបើឫសរបស់កូនបង្កជាការឈឺចាប់ រាលដាល ឬធ្វើឲ្យក្មេងមានការអៀនខ្មាស ប៉ាម៉ាក់គប្បីនាំកូនទៅពិគ្រោះជាមួយគ្រូពេទ្យ ដើម្បីធ្វើការព្យាបាល។

រោគសញ្ញា

ឫសមានទំហំ និងរូបរាងផ្សេងៗគ្នា ដែលរួមមាន៖

រលោង តូច ឬគ្រើម ហើយធំ
ពណ៌ដូចស្បែក ឬខ្មៅ
កើតឡើងនៅលើរាងកាយ ប៉ុន្តែភាគច្រើនតែងតែកើតលើដៃ ម្រាមជើង មុខ និងជុំវិញជង្គង់។

សរសៃឈាមតូចៗដុះនៅចំកណ្ដាលឫស អាចមើលទៅដូចជាចំណុចខ្មៅ។ ថ្វីត្បិតតែឫសមិនបង្កជាការឈឺចាប់ ប៉ុន្តែបើវាកើតនៅលើបាតដៃ ឬបាតជើងដែលជាកន្លែងដាក់សម្ពាធ វាក៏អាចធ្វើឲ្យកូនឈឺចាប់ផងដែរ។

ការព្យាបាល

ប្រសិនបើឫសមានស្ថានភាពដូចខាងក្រោម ប៉ាម៉ាក់គប្បីនាំកូនទៅជួបគ្រូពេទ្យ ដើម្បីធ្វើការព្យាបាល។

កូនកើតឫសច្រើន
ឫសកើតឡើងវិញ បន្ទាប់ពីព្យាបាលដោយប្រើថ្នាំដែលគ្មានវេជ្ជបញ្ជា

ការបង្ការ

ទោះបីជាយើងមិនអាចការពារការកើតឫសបានទាំងស្រុងយ៉ាងណាក្ដី ប៉ាម៉ាក់គប្បីណែនាំកូនឲ្យអនុវត្តវិធីសាស្ត្រខាងក្រោម

ជៀសវាងប៉ះពាល់ ឬកេះឫសនៅលើស្បែកខ្លួនឯង ឬស្បែករបស់អ្នកដទៃ
លាងសម្អាតដៃឲ្យបានស្អាត ប្រសិនបើប៉ះពាល់ឫស
ពាក់ស្បែកជើងផ្ទាត់នៅអាងហែលទឹក និងបន្ទប់ទឹក ជាពិសេសប្រសិនបើកូនមានរលាត់ស្បែក
ទុកឲ្យឫសស្ងួតល្អ ជៀសវាងមានសំណើម ដែលអាចបង្កជាការរីករាលដាល
បិទឫសដោយប្រើបង់រុំរបួស
ជៀសវាងប្រើប្រដាប់រូសក្រចកដើម្បីកម្ចាត់ឫស
ជៀសវាងឲ្យកូនខាំក្រចក ដែលអាចធ្វើឲ្យឫសរាលដាលពីក្រចកមួយទៅក្រចកមួយទៀត
ជៀសវាងប្រើប្រាស់ប្រដាប់កោរពុកមាត់ ឬកន្សែងរួមគ្នា។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ឫស​​កើត​លើ​កុមារ​ឆ្លង​តាម​រយៈ​អ្វី​?

រោគសញ្ញា​

​​​​ការ​ព្យាបាល​

ការ​បង្ការ​

In Case You Missed It

ឫសកើតលើកុមារឆ្លងតាមរយៈអ្វី?

រោគសញ្ញា

ការព្យាបាល

ការបង្ការ