ចិន៖ ព្រឹត្តិការណ៍ដ៏ធំបំផុត ដែលត្រូវបានគេទន្ទឹងរង់ចាំ នោះគឺ GQ - Man Of The Year ដែលនឹងប្រារព្ធឡើងនៅថ្ងៃទី ១៦ ខែវិច្ឆិកា នៅឯកោះ Sanya ហើយនៅក្នុងកម្មវិធីមួយនេះ ក៏មានវត្តមានតារាល្បីៗជាច្រើន នៅក្នុងប្រទេស ព្រមទាំងត្រូវបានគេរំពឹងថា នឹងក្លាយជាព្រឹត្តិការណ៍ដ៏ក្តៅគគុកបំផុត នៅឆ្នាំក្នុងឆ្នាំនេះ។
ដោយឡែក ដើម្បីត្រៀមខ្លួន សម្រាប់កម្មវិធីដ៏ពិសេសនេះ តារាប្រុសស្រីមួយចំនួន បានធ្វើដំណើរ ទៅកន្លែងនោះ មុនប៉ុន្មានថ្ងៃ ផងដែរ។ ប៉ុន្តែរឿងដ៏គួរឲ្យចាប់អារម្មណ៍នៅក្នុងការធ្វើដំណើររបស់សិល្បករ គឺនៅរសៀល ថ្ងៃទី១៥ វិច្ឆិកា តារាស្រី Dilraba ក៏បានធ្វើដំណើរទៅ Sanya ដោយនាង បានពាក់មួក និងពាក់ម៉ាសបិទមុខ និងមិនសូវតុបតែងខ្លួនខ្លាំងពេកនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែនៅពេលដែល Dilraba បានបង្ហាញខ្លួននៅអាកាសយានដ្ឋាន ព្រមទាំងយកចិត្តទុកដាក់ ស្តាប់ការណែនាំ សម្រាប់ការធ្វើតេស្តរហ័សជំងឺកូវីដ១៩ ក៏បានទាញយកចំណាប់អារម្មណ៍យ៉ាងខ្លាំង នៅលើប្រព័ន្ធផ្សព្វផ្សាយ ព្រោះនៅក្នុងនោះ តារាស្រីរូបនេះ ហាក់មានភាពភ្ញាក់់ផ្អើល និងភ័យខ្លាចយ៉ាងខ្លាំង រហូតដល់នាងដួល ពីខាងក្រោយខ្នងជំនួយការ បន្ទាប់ពីត្រូវបានស្នើសុំឱ្យ រុកច្រមុះធ្វើតេស្ត រកមេរោគកូវីដ-១៩ ភ្លាមៗ នៅឯអាកាសយានដ្ឋាន។
តែទោះជាយ៉ាងណា ក្រោយពីការធ្វើតេស្ដបានបញ្ចប់ទៅ តារាស្រីរូបនេះ ក៏បានលើកទឹកចិត្តខ្លួនឯងឡើងវិញ។ ហើយសកម្មភាពមួយនេះ ក៏បានធ្វើឱ្យមនុស្សជាច្រើន អស់សំណើច ព្រោះកាយវិការដ៏គួឱ្យស្រលាញ់របស់នាង ផងដែរ៕
ប្រភព៖ Kenh14
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
