ភ្នំពេញ៖ នៅក្នុងនេះ ដោយសារកំណើនអ្នកឆ្លងកូវីដ១៩មានការថយចុះច្រើន និងប្រតិបត្តិការនៃការចាក់វ៉ាក់សាំងការពារជំងឺកូវីដ១៩ទៅលើប្រជាជនជិតគ្រប់ចំនួនគោលដៅទៀតនោះ សម្តេច តេជោ ហ៊ុន សែន បានសម្រេចអនុញ្ញាតឱ្យមានការបើកប្រទេសឡើងវិញ គ្រប់វិស័យ នៅទូទាំងរាជធានីភ្នំពេញ។
ជាការពិតណាស់ ក្រោយពីប្រទេសកម្ពុជាបានបើកដំណើរការវិញរួចមក ក្រសួងធម្មការ និងសាសនាបានប្រកាសឱ្យបើកដំណើរការឡើងវិញនូវពិធីនានាតាមបែបសាសនាឡើងវិញ ប៉ុន្តែអ្នកនាំពាក្យក្រសួងធម្មការ និងសាសនា បានអំពាវនាវដល់ព្រះសង្ឃមិនត្រូវនិមន្តបិណ្ឌបាតតាមទីផ្សារឡើយ ករណីល្មើសវិន័យនឹងត្រូវចាប់ផ្សឹកមិនខានឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក កាលពីព្រឹកថ្ងៃទី១៣ វិច្ឆិកា ២០២១ លោក សេង សុមុនី អ្នកនាំពាក្យក្រសួងធម្មការនិងសាសនាបានមានប្រសាសន៍ថា មានជនខិលខូចមួយចំនួន ដែលយកសាសនាធ្វើជាឈ្នាន់សម្រាប់ធ្វើអាជីវកម្មដូចជាដើររ៉ៃអង្គាសប្រាក់ ឬក្លែងធ្វើជាសង្ឃត្រូវបញ្ឈប់ទង្វើទាំងនេះជាបន្ទាន់ ដើម្បីចៀសវាងប្រឈមនឹងទោសទណ្ឌតាមផ្លូវច្បាប់ ហើយលោកបានអំពាវនាវដល់ព្រះសង្ឃដែលនិមន្តបិណ្ឌបាតរាល់ថ្ងៃនៅតាមភូមិឋាននានាត្រូវបង្កើនការប្រុងប្រយ័ត្នចំពោះជំងឺកូវីដ១៩ឱ្យបានខ្ពស់បន្ថែមទៀត ទោះបីស្ថានភាពជំងឺនេះមានភាពធូរស្រាលបន្តិចក៏ដោយ តែអត្រានៃការស្លាប់របស់អ្នកជំងឺនៅតែជាអត្រាដែលគួរឱ្យបារម្ភដដែល ។
អ្នកនាំពាក្យក្រសួងធម្មការនិងសាសនាបានថ្លែងបន្តថា នៅពេលនិមន្តបិណ្ឌបាតតាមភូមិព្រះសង្ឃត្រូវពាក់ម៉ាស និងត្រូវយកអាល់កុលដាក់តាមជាប់រហូត និងត្រូវរក្សាគន្លាតពីពុទ្ធបរិស័ទយ៉ាងតិច២ម៉ែត្រ ដើម្បីការពារកុំឲ្យឆ្លងជំងឺកូវីដ១៩ និងដើម្បីកុំឲ្យនាំជំងឺនេះមកចម្លងដល់ព្រះសង្ឃផ្សេងៗទៀតនៅក្នុងទីអារាម ។
លោក សេង សុមុនី បានបន្ថែមថា បច្ចុប្បន្នព្រះសង្ឃនៅរាជធានីភ្នំពេញអាចនិមន្តបិណ្ឌបាតបានឡើងវិញហើយដោយសារស្ថានភាពជំងឺកូវីដមានភាពធូរស្រាលបន្តិច ហើយរាជរដ្ឋាភិបាលក៏បានចាប់ផ្តើមបើកដំណើរការសេដ្ឋកិច្ចប្រទេសឡើងវិញផងដែរ បន្ទាប់ពីបានផ្អាកមួយរយៈដោយសារបញ្ហាជំងឺកូវីដឆ្លងរាលដាលខ្លាំង ។
ជាមួយគ្នានេះដែរលោក សេង សុមុនី បានអំពាវនាវដល់ព្រះសង្ឃទាំងឡាយមិនត្រូវនិមន្តបិណ្ឌបាតនៅតាមទីផ្សារឡើយ ព្រោះកុំឱ្យប៉ះពាល់ដល់សេចក្តីថ្លៃថ្នូរនៃព្រះពុទ្ធសាសនា តែបើក្នុងករណីព្រះសង្ឃអង្គណាល្មើសបម្រាមនេះនឹងត្រូវប្រឈមនឹងការចាប់ផ្សឹកមិនខាន ។
យ៉ាងណាមិញ មានការបញ្ជាក់ផងថា រហូតមកដល់ពេលនេះមានព្រះសង្ឃព្រះពុទ្ធសាសនានៅទូទាំងប្រទេសចំនួន១២១៩អង្គហើយដែលបានឆ្លងជំងឺកូវីដ១៩ ជាសះស្បើយចំនួន១១៤២អង្គ និងអនិច្ចធម្មចំនួន១២អង្គ កូវីដវាមិនស្គាល់បាបបុណ្យនោះទេ ៕
ប្រភព៖ BTV
សូមចូលទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
