តារាកម្សាន្ត៖ កាលពីព្រឹកព្រលឹម ថ្ងៃអង្គារ ទី១៦ ខែវិច្ឆិកា ឆ្នាំ២០២១កន្លងទៅនេះ បវរកញ្ញាហ្គ្រែនកម្ពុជាឆ្នាំ២០២១ (Miss Grand Cambodia) កញ្ញា ឯក ប៉ូ គឹមថេងសុតធីតា បានធ្វើដំណើរចាកចេញពីប្រទេសកម្ពុជាហើយ ដើម្បីទៅចូលរួមក្នុងការប្រកួតបវរកញ្ញាហ្គ្រែនអន្តរជាតិ ដែលគ្រោងនឹងប្រារព្ធឡើងនៅខេត្តភូកេត ប្រទេសថៃ។
យ៉ាងណាមិញ អ្វីដែលគួរឲ្យចាប់អារម្មណ៍ និងទទួលបានការគាំទ្រខ្លាំង ពីសំណាក់មហាជន ក្នុងកំឡុងពេលនៅក្នុងព្រលានហោះអន្តរជាតិភ្នំពេញ ត្រៀមនឹងចេញដំណើរ កញ្ញា ឯក ប៉ូ គឹមថេងសុតធីតា បានសាងភាពភ្ញាក់ផ្អើល និងគួរឲ្យស្ងើចសរសើរជាខ្លាំង ក្រោយបានក្រាបសំពះអ្នកមានគុណទាំងពីរ គឺទាំងលោកឪពុក និងអ្នកម្តាយ ប្រកបដោយកាយវិការទន់ភ្លន់ សាកសមជានារីខ្មែរ រហូតទទួលបានការស្ងើចសរសើរពីសំណាក់មហាជនយ៉ាងច្រើនកុះករតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសូមរំលឹកផងដែលថា កញ្ញា ឯក ប៉ូ គឹមថេងសុតធីតា បវរកញ្ញាហ្រ្គែនកម្ពុជា នឹងធ្វើការចូលរួមប្រកួតក្នុងនាមជាបេក្ខនារីតំណាងឲ្យប្រទេសកម្ពុជា ក្នុងការកម្មវិធីប្រកួតបវរកញ្ញាហ្គ្រែនអន្តរជាតិ ឬMiss Grand International ដែលនឹងប្រារព្ធឡើងនៅថ្ងៃសៅរ៍ ទី៤ ខែធ្នូ ឆ្នាំ២០២១ ខាងមុខនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
