ទិដ្ឋភាពក្នុងផ្ទះ បវរកញ្ញាចក្រវាលថៃ ២០២១ ឡើងដូចសណ្ឋាគារលំដាប់

ថៃ៖ Anchilee Scott-Kemmis គឺជាម្ចាស់មកុដ បវរកញ្ញាចក្រវាលថៃ ២០២១ (Miss Universe Thailand 2021) ដ៏ល្បីមានទទួលបានការចាប់អារម្មណ៍ពីមហាជនជាច្រើន ទៅលើរូបសម្រស់ និងរូបរាងរបស់នាង ដែលបានទទួលយកគំនិតថា Real Size Beauty គឺមានភាពស្រស់ស្អាត ដោយមិនចាំបាច់មានរាងស្គមនោះទេ។ ជាពិសេស នាងថែមទាំងបាន ត្រៀម​ខ្លួន​ជា​ស្រេច​ ដើម្បី​បញ្ជូន​ការ​លើក​ទឹក​ចិត្ត​ដល់​មនុស្ស​ជា​ច្រើន​បាន​ឆ្លង​កាត់​ពីចំណុចមួយនេះ ផងដែរ។ 

យ៉ាងណាមិញ ក្រឡេកមកមើលពីជីវិតរស់នៅរបស់នាងវិញម្ដង ដោយ Anchilee បានបង្ហាញឲ្យឃើញពីទិដ្ឋភាពនៅក្នុងផ្ទះដ៏ធំទូលាយ និងបានបង្ហើបថា នាងបានរស់នៅក្នុងផ្ទះនេះ តាំងពីអាយុ ២ឆ្នាំ រហូតដល់បញ្ចប់វិទ្យាល័យ។ ហើយនៅក្នុងនោះ គឺពិតជាមាន ការ​តុបតែង​ដោយ​ឈើ​ប្រណីត មានភាពធំទូលាយនៅចំកណ្តាលផ្ទះ ដែលធ្វើឲ្យមានខ្យល់អាកាស និងមានផាសុខភាពល្អ​​ ជាមួយនឹងសាឡុងធំទុកសម្រាប់សម្រាក ថែមទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត នាងក៏បានបង្ហាញឲ្យឃើញពី ​បន្ទប់​គេង​ឯកជន តុបតែងពណ៌ស ហើយនិងមានទូដាក់ខោអាវ ដែលភាគច្រើនគឺជាសំលៀកបំពាក់ និងស្បែកជើងកីឡា។ យ៉ាងណាមិញ បន្ទាប់ពីបានឃើញហើយ អាចនិយាយបានថា ទិដ្ឋភាពនៅក្នុងផ្ទះរបស់នាង ពិតជាមានភាពស្រស់ស្អាត មិនចាញ់តារាល្បីផ្សេងៗ និងមើលទៅស្ទើរតែដូចបន្ទប់ក្នុងសណ្ឋាគារលំដាប់ ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ