ឈ្នះអស់មាសត្រូវ! ឆ្នាំនេះបវរកញ្ញាឥណ្ឌូនេសុី ដាក់វ៉ាលីធំៗទៅប្រកួតច្រើនម្លឹងៗ

តារាកម្សាន្ត៖ កញ្ញា Sophia Louise Rogan បវរកញ្ញាហ្រ្គែនប្រទេសឥណ្ឌូនេសុីឆ្នាំ២០២១ បានសាងភាពភ្ញាក់ផ្អើលជាខ្លាំង ដល់អ្នកគាំទ្ររបស់ខ្លួន និងមហាជនដែលជាអ្នកនិយមគាំទ្រវិស័យបវរកញ្ញា ឬ Beauty Pageant ជាខ្លាំង ក្នុងកំឡុងពេលដែលបវរកញ្ញាដ៏ស្រស់ស្អាតរូបនេះ រៀបនឹងឡើងយន្តហោះ អមដោយសម្ភារ:ជាវ៉ាលីជាច្រើន ទៅជាមួយនៅក្នុងអាកាសយានដ្ឋានអន្តរជាតិប្រទេសឥណ្ឌូនេសុី រហូតធ្វើឲ្យផ្ទុះការចាប់អារម្មណ៍ខ្លាំងតែម្តង។

ជាក់ស្តែងនៅក្នុងរូបថតសន្លឹក ដែលបានថតនៅមុនពេលដែលបវរកញ្ញារូបនេះឡើងយន្តហោះនោះ គឺបានបង្ហាញពីវ៉ាលីពណ៌ទឹកប៊ិចធំៗចំនួន៤ និងវ៉ាលីតូចចំនួន១ ដែលផ្ទុកពេញទៅដោយសម្លៀកបំពាក់ និងរបស់របរប្រើប្រាស់ជាច្រើន ដើម្បីត្រៀមចូលរួមជាបេក្ខភាពប្រកួតក្នុងកម្មវិធីបវរកញ្ញាហ្គ្រែនអន្តរជាតិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមបញ្ជាក់ផងដែលថា កម្មវិធីប្រកួតប្រជែងបវរកញ្ញាហ្គ្រែនអន្តរជាតិ ឬ Miss Grand International ឆ្នាំ២០២១ គ្រោងនឹងធ្វើឡើងនៅខេត្តភូកេត ប្រទេសថៃ ដោយកាលបរិច្ឆេទវគ្គប្រកួតផ្តាច់ព្រ័ត្របញ្ចប់ នឹងប្រព្រឹត្តទៅនៅថ្ងៃទី៤ ខែធ្នូ ឆ្នាំ២០២១ខាងមុខនេះ៕

• រូបភាព
• តារាអន្តរជាតិ