ច្បាប់គេប្លែកៗ! Twice រាំខុសម្តង នឹងត្រូវពិន័យមួយពាន់ដុល្លារ

កូរ៉េខាងត្បូង៖ ក្រុមចម្រៀងនារីដ៏ល្បី TWICE ត្រូវមហាជន កោតសរសើរ អស់ពីចិត្ត ថែមទាំង ពេញចិត្តនឹងក្បាច់រាំក្នុងបទចម្រៀងរបស់ពួកគេ បែបគួរឲ្យស្រលាញ់ និងមានស៊ីសង្វាក់គ្នាខ្លាំង ទោះបីពួកគេមានសមាជិកច្រើនក៏ដោយ។

ជាក់ស្តែងនៅក្នុងវីដេអូរបស់ Studio K ត្រូវបានទម្លាយ នៃច្បាប់ការហាត់សមរបស់ក្រុមចម្រៀងនារីមួយនេះ ដែលបានធ្វើឲ្យមហាជន ជាពិសេសនោះ ហ្វេនៗ របស់ពួកគេ មានការចាប់អារម្មណ៍ជាខ្លាំង ជាមួយនឹងការសកម្មភាពនៃការផាកវិន័យ នៃពេលសមាជិកហាត់រាំខុស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមវីដេអូមួយនេះ ជាអកុសលសម្រាប់សមាជិក Sana នាងបានធ្វើកាយវិការខុស ហើយត្រូវចាប់បាន គេកាតក្រហម ដោយសមាជិក ដទៃបានប្រាប់នាងថានាងត្រូវបង់ការផាកពិន័យដ៏ថ្លៃបំផុតចំនួន ៤៤០ ដុល្លារ ដល់សមាជិកម្នាក់ៗ។

យ៉ាងណាមិញ នេះនៅចំនួនតិចនៅឡើយ នៅក្នុងបទសម្ភាសន៍Nayeon បានពន្យល់ថា ទោះបីជាកំហុសតូចមានតម្លៃ ៤៤០ ដុល្លារ ក៏ដោយ ប៉ុន្តែបើសិន សមាជិកណា បង្កើតកំហុសធំ ការផាកវិន័យ ដល់ទៅ ១,០១៤ ដុល្លារឯណោះ៕

ប្រភព៖ Koreaboo

សូមទស្សនារូបភាពខាងក្រោម៖

• តារាកូរ៉េ