អាយដលអ្នកណាខ្លះ? តារាវ័យក្មេង ​ពីររូបនេះ​ ខ្លួនជាប្រុសសោះ អាចច្រៀងសម្លេងស្រីបានយ៉ាងពីរោះ

កម្សាន្ត៖ ជឿជាក់ថា ប្រិយមិត្តដែលធ្លាប់តាមដានកម្មវិធីប្រឡងចម្រៀងកុមារនានា ពិសេសកម្មវិធី «The Voice Kids Cambodia» ប្រាកដជានៅចាំបាន តារាចម្រៀងវ័យក្មេងទាំងពីរនាក់ខាងក្រោមនេះ។ ដោយសារតែកាលអំឡុងពេលប្រឡងនៅក្នុងកម្មវិធី ពួកគេពិតជាធ្វើឲ្យមហាជនមានការភ្ញាក់ផ្អើលជាមួយសមត្ថភាពរបស់ពួកគេច្រើនខ្លាំងមែនទែន។

ដោយក្នុងនោះ តារាវ័យក្មេងទាំងនេះ សុទ្ធតែអាចបកស្រាយបទចម្រៀងបានយ៉ាងពីរោះ ពិសេសនោះសមត្ថភាពរបស់ពួកគេអាចនិយាយបានថា ខុសប្លែកពីតារាឯទៀតតែម្ដង។ ព្រោះពួកគេជាក្មេងប្រុសពិតមែន ប៉ុន្តែអាចច្រៀងទៅជាសម្លេងមនុស្សស្រី បទស្រី បានពីរោះលន្លង់លន្លោចដូចមនុស្សស្រីពិតៗ អ្នកណាៗស្ដាប់ហើយក៏សរសើរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈ ទេពកោសល្យទាំងនេះហើយ ទើបមកទល់ពេលបច្ចុប្បន្ន តារាចម្រៀងប្រុសទាំងពីរនេះ នៅតែអាចទាក់ទាញចិត្តអ្នកគាំទ្រ ឲ្យនៅតែស្រលាញ់ចូលចិត្តពួកគេកាន់តែច្រើនផងដែរ៕

១.ធួន ដាណុច

ក្មេងប្រុសរូបនេះ សព្វថ្ងៃជាតារាចម្រៀងប្រចាំផលិតកម្មថោន។ ហើយកន្លងមក គេក៏ធ្លាប់ចូលរួមប្រកួតកម្មវិធីជាច្រើនដូចជា «ពេញចិត្តឬអត់» «The Voice Kids Cambodia» «`X Factor Cambodia» ជាដើម។ ហើយក្នុងការប្រកួតនោះ រូបគេបានបញ្ចេញសមត្ថភាពច្រៀងចម្រៀងសម្លេងស្រីបានយ៉ាងល្អ។

២.រ៉េត រ៉ែន

តារាប្រុសរូបនេះ ក៏ធ្លាប់ប្រឡងកម្មវិធី «The Voice Kids Cambodia» និងបានធ្វើឲ្យមហាជនស្ទើរទូទាំងប្រទេសទទួលស្គាល់អំពីសមត្ថភាពដ៏ល្អរបស់គេ ដែលអាចច្រៀងសម្លេងស្រីបានពីរោះខ្លាំង។

• រូបភាព
• តារាខ្មែរ