ស្ងាត់ៗ កែវ មូនីតា តួនាងឆោមផ្កា បង្ហាញមុខគូស្នេហ៍ក្នុងពិធីភ្ជាប់ពាក្យ

រាជធានីភ្នំពេញ៖ ពិតណាស់ ជឿជាក់ថា មហាជន ក៏ដូចជាអ្នកប្រើប្រាស់បណ្តាញសង្គមប្រាកដជាស្គាល់ហើយ កញ្ញា កែវ មូនីតា ដែលជាតារាបង្ហាញម៉ូត និងជាតារាពន្លកថ្មី ដែលនាពេលបច្ចុប្បន្ននេះ កំពុងទទួលបានការចាប់អារម្មណ៍ ក៏ដូចជា គាំទ្រយ៉ាងខ្លាំង ពីសំណាក់ទស្សនិកជន។

ស្គាល់យ៉ាងច្បាស់តាមរយៈទេពកោសល្យជាតួសម្តែងស្រី ក្នុងរឿងបុរាណខ្មែរ ទេពធីតាថ្កុលមាសរូបនេះ ទទួលបានប្រជាប្រិយភាព ខាងតួអង្គកាចឆ្នាស់ឆោមផ្កាធំ នាពេលនេះ​ នាងក៏កំពុងចាប់យកទីផ្សារសិល្បៈមិនណយឡើយ ដោយគេសង្កេតឃើញវត្តមានរបស់នាង ជាបន្តបន្ទាប់នៅក្នុងខ្សែភាពយន្ត ទន្ទឹមនឹងនោះ ក៏បានទាញបានការគាំទ្រ និងចំណាប់អាម្មណ៍ពីមហាជន មិនស្ទើរឡើយ ព្រោះតែដុងសមត្ថភាពសិល្បៈពីកំណើត បានទាំងព្រមជាមួយសម្រស់ស្រស់ស្អាត ជាមួយការលេងខ្លួនស្ទីលប្លែកៗថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក នាពេលថ្មីៗនេះ មហាជន ផ្ទុះការចាប់អារម្មណ៍កាន់តែខ្លាំងក្រោយឃើញតារាស្រីស្រស់ស្អាតរូបនេះ ស្ងាត់ៗ បង្ហាញមុខគូស្នេហ៍យ៉ាងស្រស់សង្ហា នៅក្នុងពិធីភ្ជាប់ពាក្យ នៅថ្ងៃទី១៤ ខែវិច្ឆិកា ឆ្នាំ២០២១​ កន្លងមកនេះ។

ទន្ទឹមនោះដែរ ក្រោយបានដឹង និងឃើញបែបនេះ ក៏មានមហាជន ក៏ដូចជា អ្នកគាំទ្រតារាស្រី​រូបនេះ បានសម្តែងការអបអរសាទរ និងជូនពររូបនាង និងមនុស្សពិសេស គ្រប់ៗគ្នា៕