ត្រឡប់មកវិញ Rosé មិនភ្លេចបង្អួតរូបដ៏ទាក់ទាញ ធ្វើឲ្យហ្វេនប្រហោងពោះអស់

កូរ៉េខាងត្បូង៖ បច្ចុប្បន្ននេះ បន្ទាប់ពីធ្វើដំណើរទៅសហរដ្ឋអាមេរិក មួយរយៈមក តារាចម្រៀងស្រី Rosé សមាជិកក្រុម BLACKPINKបានត្រលប់មកប្រទេសកូរ៉េវិញហើយ ជាពិសេស នាងថែមទាំងបានបញ្ចេញ នូវរូបថតជាច្រើនសន្លឹក ដែលថតនៅសហរដ្ឋអាមេរិក បង្ហោះនៅលើទំព័រផ្ទាល់ខ្លួន ដែលកំពុងទាក់ទាញការចាប់អារម្មណ៍យ៉ាងខ្លាំង។ 

ក្នុងនោះដែរ តារាស្រី Rosé បានបង្ហាញពីរូបថត ជាមួយនឹងស្ទាយ៍កាយវិការផ្សេងៗគ្នា ដែលថតនៅស្ថានីយ៍រថភ្លើងក្រោមដី បង្អួតពីសម្រស់ និង មុខមាត់ដ៏ស្រស់ស្អាត ដូចទេពអប្សរ ផងដែរ។ ប៉ុន្តែ អ្វីដែល​គួរ​ឲ្យ​ភ្ញាក់ផ្អើល​បំផុត​នោះ ​គឺ​កម្រង​រូបភាព​ដែល Rosé បានថត​រូប នៅ​ក្នុង​បន្ទប់​សណ្ឋាគារ ជាមួយនឹងការស្លៀកខោខ្លី និងបង្អួតជើងវែងរបស់ខ្លួន ជាពិសេស នាងក៏បានពង្រីករូបថតមួយ បង្ហាញពីល្វែងខាងលើ ឡើងសិចស៊ី ស្ទើរតែឲ្យហ្វេនៗភ្លឹកស្មារតីម្ដងៗ ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កម្រងរូបភាពទាំងនោះរបស់ Rosé ពិតជាធ្វើឲ្យហ្វេនៗ ពេញចិត្ត នឹងស្ទាយ៍ដ៏លេចធ្លោរបស់នាង បើទោះបីជា រូបភាពនោះ មិនទាន់មានការកែស​ម្រួលក៏ដោយ ក៏សម្រស់តារាស្រីរូបនេះ នៅតែជះភាព ស្រស់​ស្អាត​ខ្លាំង ដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាកូរ៉េ