មហាជនស្រក់ទឹកភ្នែក អាណិត បវរកញ្ញារូបនេះ ព្រោះតែ.... (មានវីដេអូ)

តារាកម្សាន្ត៖ កាលពីពេលថ្មីៗកន្លងទៅនេះ មហាជន និងជាពិសេសអ្នកដែលនិយមគាំទ្រ​ និងតាមដានវិស័យការប្រកួតបវរកញ្ញា ឬ Beauty pageant បានផ្ទុះការភ្ញាក់ផ្អើល និងទប់ទឺកភ្នែកសឹងតែពុំជាប់គ្រប់គ្នា ក្រោយបានឃើញបវរកញ្ញាហ្គ្រែន របស់ប្រទេសអង់ហ្គោឡា (Miss Grand Angola) បានសម្រក់ទឹកភ្នែកយំ លាយឡំដោយក្តីរំភើប ក្នុងកំឡុងពេលដែលនាងទទួលយកជំនួយឧបត្ថម្ភពីសំណាក់សប្បុរជន ដើម្បីបន្តការប្រកួត។

ជាក់ស្តែង នៅក្នុងវីដេអូដែលត្រូវបានបង្ហោះ និងចែកចាយពាសពេញបណ្តាញសង្គម បានបង្ហាញនូវសកម្មភាពយំរបស់នាង Macia Menezes បវរកញ្ញាហ្គ្រែន របស់ប្រទេសអង់ហ្គោឡា បន្ទាប់ពីនាងត្រូវបានអ្នករចនាម៉ូតសម្លៀកបំពាក់ជនជាតិថៃម្នាក់ បានធ្វើការឧបត្ថម្ភឈុតរាត្រីស្រមោលស ដល់រូបនាងដើម្បីមានឱកាសប្រកួតបន្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលបវរកញ្ញាប្រទេសអង់ហ្គោឡា នាង Macia Menezes ជាបវរកញ្ញាដែលមានជីវភាពខ្វះខាតព្រោះតែដើម្បីប្រទេសសុខចិត្តយកឈុតម្តាយរបស់ខ្លួនដែលទុកអស់រយៈពេល ២០ ឆ្នាំយកមកស្លៀកដើម្បីប្រកួត មួយវិញទៀតសូម្បីតែលុយចំណាយផ្សេងៗក៏បវរកញ្ញារូបនេះចំណាយខ្លួនឯងទាំងអស់ ដែលជាហេតុធ្វើឲ្យមហាជននាំគ្នាកើតចិត្តអាណិតបវរកញ្ញារូបនេះ សឹងតែគ្រប់គ្នាតែម្តង៕

ចង់ជ្រាបកាន់តែច្បាស់ សូមទស្សនាវីដេអូ និងរូបភាពខាងក្រោមនេះ៖

• ម៉ូត
• វីដេអូ
• រូបភាព