បុណ្យអុំទូកឆ្នាំនេះ សហគមន៍ខ្នងផ្សារកចំណូលបាន១០លានរៀល

កំពង់ស្ពឺ៖ ក្នុងរយៈពេល៣ថ្ងៃនៃពិធីបុណ្យអុំទូក សហគមន៍ខ្នងផ្សារទទួលភ្ញៀវទេសចរចំនួន ៣​៨០នាក់ប៉ុណ្ណោះ។ បើតាមលោក ហ៊ុន សៅ ប្រធានសហគមន៍នៅខ្នងផ្សា ទិន្នន័យភ្ញៀវទេសចរនេះ បានផ្ដល់ចំណូលដល់សហគមន៍ប្រមាណ ១០លានរៀលផងដែរ។

ដោយឡែក លោក ហ៊ុន សៅ ប្រធានសហគមន៍ខ្នងផ្សា បានប្រាប់សារព័ត៌មានThmeyThmey25 ថា ភ្ញៀវទេសចរប្រមាណ ៣ទៅ៥ក្រុម បានលុបចោលការកក់ជាមួយសហគមន៍ សម្រាប់ការនាំពួកគេឡើងភ្នំវិញ ព្រោះបារម្ភខ្លាចមានមនុស្សច្រើនពេក ទើបធ្វើឱ្យអ្នកឡើងភ្នំខ្នងផ្សានាពិធីបុណ្យអុំទូកនេះ មានត្រឹម៣៨០នាក់ប៉ុណ្ណោះ។«ភ្ញៀវទេសចរមួយរយៈចុងក្រោយនេះធ្លាក់ចុះ តែយ៉ាងណា យើងទទួលបានចំណូលប្រមាណ ១០លានរៀលដែរ តាមរយៈភ្ញៀវជួលគោយន្ត ជួលមគ្គទ្ទេសក៍ទេសចរ និងប្រជាជនគាត់លក់ដូរ»។ នេះជាការបញ្ជាក់បន្ថែមរបស់ប្រធានសហគមន៍នៅខ្នងផ្សា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ភ្ញៀវទេសចរដើរកម្សាន្តនាឱកាសឈប់សម្រាកពិធីបុណ្យអុំទូក នៅខ្នងផ្សានេះមិនបានបង្ករបញ្ហាបរិស្ថាននោះទេ។​ លោក ហ៊ុន សៅ លើកឡើងថា ភ្ញៀវទេសចរមានការយល់ដឹងពីការគ្រប់គ្រងសំរាមរបស់ពួកគេ ។
សូមជម្រាបដែរថា រយៈពេល៣ថ្ងៃនៃពិធីបុណ្យអុំទូកនេះ មានភ្ញៀវទេសចរដើរលេងទូទាំងប្រទេស សរុប ៩១០ ១៥០នាក់ ក្នុងនោះភ្ញៀវបរទេសផ្ទៃក្នុងចំនួន១០ ២៨១នាក់។ គោលដៅទេសចរណ៍សំខាន់ៗរួមមាន រាជធានីភ្នំពេញ សៀមរាប និងតំបន់សមុទ្រ ៕

ប្រភព៖ ថ្មីថ្មី

សូមចូលទស្សនារូបភាពខាងក្រោម៖