ខេត្តកំពង់ចាម៖ ពិតណាស់ មហាជន ក៏ដូចជា អ្នកប្រើប្រាស់បណ្តាញសង្គម ជ្រាបរួចមកហើយករណីរឿងរ៉ាវដ៏រ.ន្ធ.ត់ ដែលជនដៃដល់រំលោ.ភរួចស.ម្លា.ប់សិស្សសាលាវ័យ១៦ឆ្នាំរៀនថ្នាក់ទី១២នោះ គឺបន្ទាប់ពីធ្វើសកម្មភាពរួច ជនដៃដល់បានយកទូរស័ព្ទរបស់ជនរងគ្រោះយកមកលក់នៅភ្នំពេញ ហើយទើបត្រឡប់ទៅស្រុកកំណើតវិញ។
បើតាមរបាយការណ៍របស់សមត្ថកិច្ច បានបញ្ជាក់ថា កាលពីថ្ងៃទី២០ ខែវិច្ឆិកា ឆ្នាំ២០២១ វេលាម៉ោង១៨និង៤០នាទី សមត្ថកិច្ចប៉ុស្តិ៍នគរបាលចំការអណ្តូង បានទទួលព័ត៌មានពីឈ្មោះ អាន សុខលីន ភេទស្រី អាយុ១៨ឆ្នាំ បានមករាយការណ៍ប្រាប់សមត្ថកិច្ចថា បានបាត់មិត្តភ័ក្ដិម្នាក់(ជនរងគ្រោះ) ឈ្មោះ ឌីម អេងជូ ភេទស្រី អាយុ១៨ឆ្នាំ ដែលចេញពីរៀនគួរជាមួយគ្នា ហើយត្រូវបានប្រទះឃើញដេកស្លាប់ នៅកន្លែងកើតហេតុ នៅចំណុចចម្ការពោតខាងកើត ចម្ងាយប្រហែល១៥០០ម៉ែត្រពី ភូមិ១១ ឃុំចំការអណ្តូង ស្រុកចំការលើ ខេត្តកំពង់ចាម ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយពីចុះពិនិត្យលើសពជនរងគ្រោះ និងទីតាំងកើតហេតុ សមត្ថកិច្ចបានរកឃើញស្បែកជើងបុរសចំនួន០១គូ នៅក្រោមស.ព នៅចម្ងាយប្រហែល៥ម៉ែត្រ ពីស.ព មានម៉ូតូ០២គ្រឿង ម៉ាកហុងដាសេ១២៥ សេរី២០១៥ ពាក់ផ្លាកលេខ ភ្នំពេញ 1SC-2474 ជារបស់ជនរងគ្រោះ និងមួយគ្រឿងទៀត ម៉ាកហុងដាសេ១២៥ ឡើងតែម២០១៥ ពាក់ស្លាកលេខ ភ្នំពេញ1K-0961 ដែលសង្ស័យជាម៉ូតូរបស់ជនល្មើស ។
បើយោងតាមការស្រាវជ្រាវសមត្ថកិច្ចជំនាញ បានកំណត់ជនសង្ស័យមានឈ្មោះ ម៉ាប់ កំសត់ ហៅអាលាន ភេទប្រុស អាយុ១៦ឆ្នាំ រស់នៅភូមិ-ឃុំ ជាមួយគ្នា បានធ្វើសកម្មភាព ខណៈពេលដែលជនរងគ្រោះកំពុងធ្វើដំណើរពីសាលារៀនត្រឡប់មកផ្ទះវិញ ដល់ចំណុចកើតហេតុនៅព្រៃចម្ការពោត ។
ជនសង្ស័យត្រូវបានសមត្ថកិច្ច ឃាត់ខ្លួនបាន នៅថ្ងៃទី២២ ខែវិច្ឆិកា ឆ្នាំ២០២១ វេលាម៉ោង ២៖១៥នាទីរសៀល នៅចំណុចក្នុងព្រៃចម្ការក្រោយវត្ត មណ្ឌលវិប្បសនា ភូមិប៉ាង ឃុំជនាង ស្រុកតាំងគោក ខេត្តកំពង់ធំ ។
ជាមួយគ្នានោះ តាមចម្លើយ ជនសង្ស័យខាងលើ បានសារភាពថា ខ្លួនពិតជាបានធ្វើសកម្មភាពរំលោ.ភ និងស.ម្លា.ប់ ហើយយកទូរស័ព្ទជនរងគ្រោះទៅលក់នៅភ្នំពេញ បានថ្លៃ ២០ម៉ឺនរៀល (ម្ភៃម៉ឺនរៀល) រួចយកទៅទិញខោអាវហើយជិះឡានត្រឡប់មកស្រុកវិញ។ ពេលនេះ ជនសង្ស័យ ត្រូវបានសមត្ថកិច្ច បញ្ជូនទៅតុលាការ ដើម្បីកសាងសំណុំរឿងដើម្បីផ្តន្ទាទោសទៅនិតិវិធីច្បាប់៕
ប្រភព៖ KPT
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
