រៀបការកុំឱ្យខូចឈ្មោះ? Park Shin-hye មានផ្ទៃពោះហើយ ត្រៀមរៀបការជាមួយមិត្តប្រុស

កូរ៉េខាងត្បូង៖ ពិតជាដំណឹងល្អនៅថ្ងៃអង្គារ សម្រាប់ហ្វេនៗអ្នកគាំទ្រ តារាសម្ដែងកូរ៉េខាងត្បូងដ៏មានប្រជាប្រិយ Park Shin-hye បានប្រកាសប្រាប់អ្នកគាំទ្ររបស់នាង នៅលើបណ្តាញសង្គមរបស់នាងនៅព្រឹកនេះ (២៣ វិច្ឆិកា) ថា នាងបានត្រៀមខ្លួនជាស្រេចដើម្បីឈានទៅវគ្គបន្ទាប់នៃជីវិតរបស់នាង។

តារាវ័យ ៣១ ឆ្នាំ ដែលធ្លាប់មានវត្តមាន ក្នុងរឿងភាពយន្ត Zoombie នៅលើ Netflix រឿង Alive បានសរសេរឱ្យដឹងនៅលើបណ្តាញសង្គមដូច្នេះថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខ្ញុំនឹងរៀបការជាមួយនឹងមនុស្សដែលខ្ញុំបានបានជួបរយៈពេលយូរមកហើយ។ គាត់ជាសសរស្តម្ភនៃការគាំទ្ររបស់ខ្ញុំជាយូរមកហើយ ហើយគាត់បានតែងតែនៅក្បែរមនុស្សដូចជា Park Shin-hye ជាមួយនឹងគុណសម្បត្តិខ្វះខាតទាំងអស់របស់នាង ដូច្នេះហើយខ្ញុំគ្រោងនឹងចាប់ផ្តើមជីវិតដៃគូជាមួយគាត់ ក្នុងជីវិតអាពាហ៍ពិពាហ៍។ លើសពីនេះទៀត ទោះបីជាខ្ញុំស្ទាក់ស្ទើរក្នុងការពិភាក្សាអំពីរឿងនេះ ព្រោះវានៅតែស្ថិតក្នុងដំណាក់កាលដំបូងនៅឡើយ ខណៈពេលដែលយើងចាប់ផ្តើមរៀបចំសម្រាប់អាពាហ៍ពិពាហ៍របស់យើង ជីវិតថ្មីដ៏មានតម្លៃបានមករកយើង។ ខ្ញុំចង់ប្រាប់អ្នកទាំងអស់គ្នាខ្លាំងណាស់។ ខ្ញុំសន្យាថានឹងបង្ហាញអ្នកពីផ្នែកល្អរបស់ខ្ញុំ ទោះបីជាបន្ទាប់ពីខ្ញុំក្លាយជាសមាជិកគ្រួសាររបស់ខ្ញុំផ្ទាល់ក៏ដោយ។ ទោះបីជាខ្ញុំមានការការស្ទាក់ស្ទើរក្នុងការនិយាយបែបនេះ ព្រោះថាវានៅឆាប់នៅឡើយ ប៉ុន្តែខ្ញុំបានទទួលពរដោយមានទារកម្នាក់។

Park Shin-hye

សូមរំលឹកផងដែរថា Shin-hye និងតារាសម្តែង Choi Tae-joon អាយុ ៣០ឆ្នាំ ពេលដែលបានទម្លាយពីមានទំនាក់ទំនងរបស់ពួកគេក្នុងឆ្នាំ ២០១៨។ បច្ចុប្បន្ន Park Shin-hye គឺជាតារាស្រីកូរ៉េដែលមានឈ្មោះបោះសម្លេងជាខ្លាំង។ នាងបានចូលប្រឡូកក្នុងកម្មវិធី showbiz ក្នុងនាមជាតារាសម្តែងដែលក្មេងខ្ចី ក្នុងឆ្នាំ ២០០១ ហើយត្រូវបានគេមើលឃើញថាជាអ្នកដឹកនាំនៅក្នុងរឿង K-drama ក្នុងឆ្នាំនេះគឺរឿង So I Married the Anti-fan ។

បើយោងតាមភ្នាក់ងារគ្រប់គ្រងរបស់នាង Salt Entertainment គូស្នេហ៍ទាំងពីរនឹងរៀបចំពិធីមង្គលការឯកជនមួយនៅថ្ងៃទី ២២ខែមករា ឆ្នាំ ២០២២៕

ប្រភព៖ CNA , Asia One

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

រៀបការកុំឱ្យខូចឈ្មោះ? Park Shin-hye មានផ្ទៃពោះហើយ ត្រៀមរៀបការជាមួយមិត្តប្រុស

In Case You Missed It