មិនខ្វល់ពីរឿងឡូយឆាយនៅទីក្រុង គូស្នេហ៍ទាំងប៉ុន្មាននេះ បង្ហាញជីវិតនៅជនបទយ៉ាងមានក្ដីសុខ

ថៃ៖ ដោយសារតែ ប្រជាប្រិយភាពនៅក្នុងរង្វង់សិល្បៈ ធ្វើឲ្យតារាល្បីៗជាច្រើន ត្រូវបានមហាជន ក៏ដូចជាហ្វេនៗរបស់ពួកគេ តាមដានយ៉ាងកៀកកិត ទាំងរឿងការងារ និងជីវិតប្រចាំថ្ងៃ ថាតើក្រៅពីមានការងារដ៏ជោគជ័យមួយនេះហើយ ពួកគេនឹងប្រើជីវិតរស់នៅឯកជន យ៉ាងណាខ្លះ។

ជាការពិតណាស់ នៅក្នុងនោះដែរ គឺមានតិចតួចបំផុត សម្រាប់សិល្បករល្បីៗ ​ក្នុង​វិស័យ​កម្សាន្ត​ ដែលនៅពេលខ្លះ ពួកគេក៏ចាប់​ផ្ដើម​ឃ្លាត​ឆ្ងាយពីវិស័យមួយនេះ ហើយងាកទៅធ្វើ​តួនាទី​ជា​កសិករ​ ធ្វើ​សួន​ច្បារ ស្រែ​ចម្ការ ដូច​មនុស្ស​ធម្មតាទៅវិញ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង តារាប៉ុន្មានរូបនេះ ដែលសុទ្ធសឹងតែមានគូម្ចាស់ចិត្តរួចទៅហើយ បាននាំគូស្នេហ៍ ឬស្វាមីភរិយា បន្ទាប់ពី សម្រាកពីវិស័យសិល្បៈ ចេញឆ្ងាយពីទីក្រុងដ៏ឡូយឆាយ ទៅសិក្សា និងធ្វើកសិកម្ម ដោយប្រើជីវិតយ៉ាងសាមញ្ញ នៅឯជនបទបែបនេះ៕ 

ប្រភព៖ Sanook

បើចង់ជ្រាបច្បាស់ សូមទស្សនារូបភាពខាងក្រោម៖ 

១. Nam Rapee

​ក្រោយពី​សម្រេចចិត្ត​ ចោលភាពនៅលីវ ចូលរោង​មង្គលការ​ ជាមួយ​ភរិយា​ និង​មានកូន ​៣​នាក់ ​តារាប្រុសរូបនេះ បានចាកចេញពីទីក្រុង ផ្លាស់​ទៅ​ផ្ទះ​សួន ​ក្នុង​ខេត្ត បើកអាជីវកម្ម កសិដ្ឋានចិញ្ចឹមមាន់ ជីកស្រះ ចិញ្ចឹមត្រី ធ្វើស្រែចំការ ។

២. Chakrit Yamnam 

នៅពេលដែល តារាប្រុស លោក Chakrit បានរៀបការជាមួយ ភរិយា លោកក៏បានបំពេញគ្រួសារមួយនេះ ឱ្យកាន់តែល្អឥតខ្ចោះ បន្ទាប់មក ក៏សម្រេចចិត្ត​ បន្ត​ធ្វើស្រែ​ចម្ការ ​ពី​ផ្ទះ​របស់ភាគីខាងភរិយា រហូត​ដល់​បើក​ជា ​ចម្ការ​ផ្លែឈើ​របស់​ខ្លួន ។ 

៣. Petch Thakrit

លោក Petch Thakrit ត្រូវបានចាត់ទុកថា ជាតារាសម្តែងដ៏ល្បីឈ្មោះមួយរូប ប៉ុន្តែផ្ទុយទៅវិញ បែរជាលង់ស្នេហ៍នឹងធម្មជាតិ ព្រមទាំងចូលចិត្តប្រើជីវិតសាមញ្ញ ហើយលោកក៏បាន ចាប់ដៃគ្នាជាមួយនឹងមិត្តស្រីបណ្ដូលចិត្ត បើកកសិដ្ឋានរួមគ្នា នៅខេត្ត Chainat ។

៤. Tak Bongkod

ទោះ​បី​ជា​ បាន​ក្លាយ​ជាសេដ្ឋី​ប្រាក់​រាប់លាន​ក្ដី ប៉ុន្តែតារាសម្តែងស្រី Tak Bongkod កាន់តែស្រលាញ់ ការរស់នៅបែបសាមញ្ញ រហូត​មក​ដល់​ពេល​ថ្មី​ៗ​នេះ ​តារាស្រីរូបនេះ បាន​ឈាន​ដល់​ដំណាក់​កាល ធ្វើ​ដំណាំ​សួន ក្នុងកសិដ្ឋាន មួយកន្លែង៕

• តារាថៃ