សារធាតុគីមីក្នុងថ្នាំលាបសក់ មិនមានជាតិពុលខ្លាំងនោះទេ ហើយបើយោងតាមការស្រាវជ្រាវភាគច្រើនបានបង្ហាញថា ការលាបសក់នៅអំឡុងពេលពពោះមានសុវត្ថិភាពសម្រាប់ម៉ាក់ៗ។
ពពោះប៉ុន្មានសប្ដាហ៍ ទើបម៉ាក់ៗអាចលាបសក់ប្រកបដោយសុវត្ថិភាព?
ម៉ាក់ៗគប្បីលាបសក់ ក្រោយពពោះបាន១២សប្ដាហ៍ទើបជាការប្រសើរ ពីព្រោះថាហានិភ័យនៃសារធាតុគីមីដែលប៉ះពាល់ដល់ទារកមានកម្រិតទាប។ ក្នុងករណីដែលម៉ាក់ៗលាបថ្នាំសក់ដោយខ្លួនឯង គប្បីកាត់បន្ថយហានិភ័យ ដោយអនុវត្តតាមវិធានដូចខាងក្រោម៖
- ពាក់ស្រោមដៃ
- លាបរួចទុកចោលរយៈពេលតិចបំផុត មុនពេលលាងសម្អាតសក់
- លាបនៅបន្ទប់ដែលមានខ្យល់ចេញចូល
- លាងជម្រះស្បែកក្បាលឲ្យបានសព្វល្អ
ជាមួយគ្នានេះដែរ ការហាយឡាយសក់ក៏អាចកាត់បន្ថយហានិភ័យបានដែរ ដោយសារតែសារធាតុគីមីដែលប្រើសម្រាប់លាបសក់ ស្រូបចូលតែក្នុងសរសៃសក់ប៉ុណ្ណោះ ហើយមិនប៉ះពាល់ដល់ស្បែកក្បាល ឬអាចឆ្លងចូលទៅក្នុងចរន្តឈាមឡើយ។
ការលាបសក់អំឡុងពេលបំបៅដោះកូន
ការលាបសក់នៅអំឡុងពេលបំបៅដោះកូន ក៏មានសុវត្ថិភាពដែរ ពីព្រោះថាបរិមាណសារធាតុគីមីមិនឆ្លងទៅក្នុងចរន្តឈាម ដូច្នេះហើយសារធាតុទាំងនោះមិនអាចឆ្លងចូលទៅក្នុងទឹកដោះម្ដាយឡើយ។ យ៉ាងណាមិញ ដើម្បីរក្សាសុខភាពសក់ឲ្យបានល្អ ម៉ាក់ៗគប្បីជ្រើសរើសប្រើសាប៊ូកក់សក់ និងក្រែមបន្ទន់សក់ដែលស័ក្ដិសមសម្រាប់សក់ពណ៌ និងមិនមានសារធាតុParabens ព្រមទាំង Sulfates ក៏ដូចជាសារធាតុគីមីខ្លាំងៗផ្សេងទៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
