សូមប្រយ័ត្នផង ផ្លូវមួយកន្លែង ប្របមាត់ជ្រាំងទន្លេនៅម្តុំរកាកោង បាក់ស្រុត

ខេត្តកណ្តាល៖ កាលពីព្រឹកថ្ងៃទី២៣ ខែវិច្ឆិកា ឆ្នាំ២០២១កន្លងទៅនេះ ផ្លូវកៅស៊ូមួយខ្សែដែលស្ថិតនៅក្នុងភូមិសាស្រ្តរកាកោង ស្រុកមុខកំពូល ខេត្តកណ្តាល ដែលស្ថិតនៅប្របមាត់ទន្លេមេគង្គ ភ្ជាប់ទៅកាន់ ស្ដៅកងតាណឹង រកាអា ថ្លុងជ្រៅ ពាមជីកង ខេត្តកំពង់ចាម បានបាក់ស្រុត ដែលបានបង្កជាការភ្ញាក់ផ្អើលយ៉ាងខ្លាំង ដល់ប្រជាជន និងអ្នកដំណើរនៅតំបន់នោះ។

ជាក់ស្តែង យោងតាមប្រភពរូបថតប៉ុន្មានសន្លឹក បានបង្ហាញពីទិដ្ឋភាពផ្លូវក្នុងភូមិសាស្រ្តខាងលើបានបាក់ស្រុត រីឯទ្រូងផ្លូវវិញបានប្រេះបែក និងដីមាត់ជ្រាំងចញ្ចើមផ្លូវក៏បានបាក់ស្រុតទៅក្នុងទឺកទន្លេថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាស្រ័យដូចដែលបានជម្រាបជូនខាងលើនេះ សូមពុកម៉ែ បងប្អូន និងអ្នកដំណើរដែលឧស្សាហ៍ធ្វើដំណើរតាមផ្លូវខាងលើនេះ មេត្តាជ្រាបជាព័ត៌មាន និងបង្កើនការប្រុងប្រយ័ត្នឲ្យបានខ្ពស់បំផុត៕

• រូបភាព