មិនខ្វល់គេថាឱ្យ អតីតស្វាមី Yang Mi បង្ហាញភាពសាមញ្ញញ៉ាំអាហារតាមផ្លូវ ឡើងទំនង

ចិន៖ ថ្មីៗនេះ នៅលើទំព័រផ្ទាល់ខ្លួន របស់តារាប្រុស លោក Hawick Lau ដែលត្រូវបានគេស្គាល់ថា ជាអតីតស្វាមី តារាស្រី Yang Mi បានបង្ហាញពីការកម្សាន្តរបស់ខ្លួន នៅឯផ្សាររាត្រី ក្នុងទីក្រុង Wuhan ដែលរូបភាពថ្មីៗរបស់លោកទាំងនេះ ត្រូវបានមនុស្សជាច្រើនចាប់អារម្មណ៍យ៉ាងខ្លាំង ព្រោះអស់រយៈពេលជាយូរហើយ ដែលតារាប្រុសរូបនេះ បានបង្ហាញខ្លួនម្ដងទៀត។ 

ម៉្យាងវិញទៀត នៅក្នុងនោះរូបភាពទាំងនោះ លោក​ Hawick Lau ពិតជាមើលទៅ មានភាពស្រស់សង្ហាវ័យក្មេងជាងវ័យ ខណៈដែលពេលនេះ លោកមានអាយុ ៤៧ ឆ្នាំទៅហើយ ជាពិសេស តារាប្រុសរូបនេះ ហាក់មិនផ្លាស់ប្ដូរអ្វីទាល់តែសោះ ដែលមើលទៅរូបសម្រស់ ដូចទើបតែមានអាយុ ៣០ ឆ្នាំ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យចាប់អារម្មណ៍ជាងនេះ លោក​ Hawick Lau បានបង្ហាញពីសកម្មភាពដ៏ភ្ញាក់ផ្អើល និងមិនខ្វល់ពីអ្វីទាំងអស់ ដោយមានការនិយាយស្ដីយ៉ាងធម្មតាជាមួយនឹងអ្នកលក់ក្នុងផ្សារ ព្រមទាំងអង្គុយញ៉ាំអាហារតាមផ្លូវយ៉ាងរំភើយ ដែលធ្វើឲ្យហ្វេនៗជាច្រើន គិតថា តារាប្រុសរូបនេះ មិនបានមានសម្ពាធ ដូចពីមុនទៀតទេ ដូច្នេះហើយ លោកអាចអង្គុយញ៉ាំអាហារនៅតាមផ្លូវ ដោយមិនខ្លាចមានមនុស្សមករំខាន ផងដែរ៕ 

ប្រភព៖ Eva.vn

សូមទស្សនារូបភាពខាងក្រោម៖ 

• តារាចិន