មិនច្រណែនម៉េច! បើស្ងាត់ៗ ស្រីស្អាត Nannie ត្រូវគូស្នេហ៍សុំរៀបការ ឡើងរ៉ូមែនទិក

ថៃ៖ គឺជារឿងដ៏ភ្ញាក់ផ្អើល សម្រាប់តារាចម្រៀងស្រី Nannie ដែលកាលពី​ថ្មីៗ​នេះ នាងបានត្រៀមខ្លួន​ក្លាយ​ជា​កូនក្រមុំ​ដ៏ឆើតឆាយ បន្ទាប់​ពី ត្រូវបានគូស្នេហ៍បណ្ដូលចិត្ត លោក Pawin សុំរៀបការ ក្រោយមើលចិត្តថ្លើមគ្នាយ៉ាងយូរ។

ជាមួយនឹងការសុំរៀបការ លោក Pawin ដែលជាគូស្នេហ៍របស់​ Nannie បានរៀបចំយ៉ាងធំ ដោយបិទរោងកុន បង្កជាភាពភ្ញាក់ផ្អើលយ៉ាងខ្លាំងចំពោះនាង ព្រមទាំងមានមិត្តៗនារីទាំង៣ ដែលជាសមាជិកក្រុមចម្រៀងស្រី Girl Berry បានមកធ្វើជាសាក្សី នៃក្តីស្រលាញ់ និងបានអបអរសាទរដល់ អនាគតកូនក្រមុំ និងកូនកំលោះមួយគូនេះ ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ នៅក្នុងនោះដែរ តារាស្រី Nannie ក៏បានចែករំលែក ពីទិដ្ឋភាពដ៏រំភើបរីករាយ នៅលើបណ្ដាញសង្គម របស់ខ្លួន ជាមួយនឹងរូបភាពគូស្នេហ៍លុតជង្គង់សុំរៀបការយ៉ាងរ៉ូមែនទិក នៅចំពោះមុខមិត្តៗជាច្រើន ព្រមទាំងបាន អរគុណចំពោះ​មិត្ត​ភក្តិ​ទាំង​អស់នោះ ​ដែល​បានសហការ​គ្នា​ ធ្វើ​ឲ្យ​ភ្ញាក់​ផ្អើលចំពោះខ្លួនយ៉ាងខ្លាំង៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ