រាជធានីភ្នំពេញ៖ ពិតណាស់ រឿងរ៉ាវកើតឡើងប៉ុន្មានថ្ងៃមុន ទាក់ទិននឹងយុវជនម្នាក់ជិះម៉ូតូល្មើសច្បាប់ ថែមទាំងបញ្ចេញកាយវិការច្រឡោងខាមរកវាយសមត្ថកិច្ច និងគំរាមដកសក្តិសមត្ថកិច្ចទៀតផង។ តែយ៉ាងណា នៅទីបំផុត បុរសខាងលើ ត្រូវបានចាប់ខ្លួនហើយ ក្រោយមានបទបញ្ជាពីសំណាក់ នាយឧត្តមសេនីយ៍សន្តិបណ្ឌិត នេត សាវឿន បញ្ជាជាបន្ទាន់តាមចាប់បុគ្គលខាងលើ ព្រោះតែចរិតច្រង៉េងច្រង៉ាង ដាក់សមត្ថកិច្ចដែលកំពុងអនុវត្តច្បាប់ចរចរណ៍ នៅក្រោមស្ពានស្ទឹងមានជ័យ។
ក្នុងនោះដែរ បុគ្គលដែលប្រើកាយវិការប្រមាថលើសមត្ថកិច្ច ត្រូវបានសមត្ថកិច្ច ចាប់ខ្លួនបាន នៅវេលាម៉ោងជាង ១ថ្ងៃត្រង់ ថ្ងៃទី២៦ ខែវិច្ឆិកា ឆ្នាំ២០២១កន្លងទៅនេះ នៅស្តុបផ្សារដើមគរ ស្ថិតក្នុងខណ្ឌទួលគោក ខណៈពេលដែលបុគ្គលខាងលើ កំពុងធ្វើដំណើរតាមផ្លូវ។ តាមប្រភពព័ត៍មាន បុរសរូបនេះ ឈ្មោះ យឹង វណ្ណដា វ័យ២៧ឆ្នាំ មុខរបរជាសន្តិសុខឯកជន ត្រូវបានសមត្ថកិច្ចនៃការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញ កសាងសំណុំរឿង និងបញ្ជូនទៅតុលាការ នៅវេលាម៉ោង ១៦:០០នាទី រសៀលថ្ងៃទី២៦ ខែវិច្ឆិកា ឆ្នាំ២០២១ ដើម្បីចាត់ការតាមនិតិវិធីបន្ត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនោះ ក្រោយបានដឹងថា កូនប្រុសត្រូវបានសមត្ថកិច្ច ចាប់ខ្លួន ដោយសារតែទង្វើររបស់ខ្លួនបែបនេះ អ្នកម្តាយរបស់បុគ្គលខាងលើ ក៏បានមកទ្រហ៊ោយំ នៅមុខសមត្ថកិច្ច ដើម្បីសុំការលើកលែងទោសលើកូនប្រុសរបស់ខ្លួន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
