ស្រលាញ់គ្នា១០ឆ្នាំ ឈ្លោះត្រូវៗ ពេលនេះ Prang ត្រូវគូស្នេហ៍ សុំរៀបការយ៉ាងរ៉ូមែនទិក

ថៃ៖ គូរស្នេហ៍ Prang និងលោក​ Tongគឺជា​គូស្នេហ៍​ រឹងមាំមួយគូ​ ដែល​មាន​ទំនាក់ទំនង​ស្នេហា​ជាង​១០​ឆ្នាំ​សម្រាប់​គូស្នេហ៍តារាមួយនេះ។ ទោះបីជាអ្នកទាំងពីរធ្លាប់បែកគ្នាពីមុនមកក៏ដោយ ក៏ប៉ុន្តែ​នៅ​ទី​បំផុត អ្នក​ទាំង​ពីរ​ក៏​សម្រេច​ចិត្ត​វិល​មក​ស្រលាញ់ មើលចិត្ត​ចំពោះ​គ្នា​ម្ដង​ទៀត។

ជាក់ស្តែង ថ្មីៗនេះ មិត្តប្រុសដែលបានស្គាល់ជាលោក Tong បានធ្វើឱ្យ Prang Kannaran មានភ្ញាក់ផ្អើល ដោយលុតជង្គង់សុំរៀបការយ៉ាងផ្អែមល្ហែម លើអគារខ្ពស់មួយ នៅទីក្រុងញូវយ៉ក ក្នុងអាកាសធាតុដ៏ត្រជាក់ នៅលើទឹកដីសហរដ្ឋ​អាមេរិក។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ ក្នុងទិដ្ឋភាពដ៏រ៉ូមែនទិចនេះ បាន​ធ្វើ​ឱ្យ​អនាគតកូនក្រមុំ​រូបនេះ ទប់​ទឹកភ្នែក​មិន​បាន​នោះ រហូតដល់ស្រក់ទឹកភ្នែករលីងរលោង ជាមួយស្នាមញញឹមដ៏មានសុភមង្គលបំផុត ដែលជាថ្ងៃមនុស្សស្រីគ្រប់គ្នា ប្រាថ្នាចង់បាន នូវពេលវេលាពិសេសមួយនេះ ដែលមនុស្សប្រុសជាទីស្រលាញ់បានសុំរៀបការ។

ក្នុងព្រឹត្តិការណ៍នេះ មិត្តភក្តិក្នុងវិស័យសិល្បៈ រួមទាំងអ្នកគាំទ្រទាំងអស់បានមកចូលរួមអបអរសាទរគ្នាជាមួយនឹងពេលវេលាដ៏មានសេចក្តីសុខរបស់គូស្នេហ៍មួយគូនេះ ដែលក្រុមការងារព័ត៌មានកម្សាន្ត ខ្មែរឡូត ក៏បានចូលរួមអបអរសាទរដល់ Tong-Prang ដូចគ្នាផងដែរ៕

សូមទស្សនារូបភាពខាងក្រោម៖

• តារាថៃ