ម្ដងនេះ ស្លៀករ៉ូបសវែង ធ្វើឲ្យសម្រស់ Yoona ដូចព្រះនាង

កូរ៉េខាងត្បូង៖ កាលពីល្ងាចថ្ងៃទី ២៦ ខែវិច្ឆិកាកន្លងទៅ ពិធីប្រគល់ពានរង្វាន់ Blue Dragon Awards លើកទី ៤២ ត្រូវបានប្រារព្ធឡើងជាផ្លូវការនៅលើកម្រាលព្រំក្រហម និងបានទាក់ទាញការចាប់អារម្មណ៍យ៉ាងខ្លាំងពីប្រព័ន្ធផ្សព្វផ្សាយ ក៏ដូចជាទស្សនិកជនជាច្រើន ហើយនៅក្នុងនោះដែរ តារាចម្រៀងស្រី Yoona សមាជិកក្រុម SNSD ក៏ត្រូវបាន​យក​ចិត្ត​ទុក​ដាក់​ ពីសម្រស់នៅក្នុងការបង្ហាញខ្លួនលើកនេះ។ 

នៅពេលបានបង្ហាញខ្លួននៅលើ កម្រាលព្រំក្រហម Yoona បានមកជាមួយនឹងការតុបតែងខ្លួន ឡើងប្រណីត ស្លៀករ៉ូបវែងពណ៌សដ៏ភ្លឺស្វាង មានស្នាមញញឹមស្រស់ស្អាតដូចទេពអប្សរ។ ជាពិសេស រ៉ូបពណ៌សមួយនេះ ថែមទាំងលេងម៉ូតបញ្ចេញស្មាឡើងទាក់ទាញ ធ្វើ​ឱ្យ​មនុស្សជាច្រើន ដែលបានទស្សនាកំពុងតែគិត​ថា​ នាង​ហាក់ដូចជា​កូនក្រមុំ​ដ៏​ស្រស់​ស្អាត​ម្នាក់ ក្នុង​ថ្ងៃ​មង្គលការ​ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំពោះការបង្អួតសម្រស់លើកនេះ តារាស្រី Yoona ក៏ត្រូវបានគេសរសើរមិនដាច់ពីមាត់ ចំពោះរូបរាងដ៏ស្អាតឥតខ្ចោះ ស្បែករលោង និងស្នាមញញឹមដ៏ផ្អែមល្ហែមរបស់នាង បើទោះបីជា ស្ថិតក្នុងកាមេរ៉ាធម្មតា ក៏ដោយ ក៏តារាស្រីរូបនេះ នៅតែបង្ហាញសម្រស់ដ៏ភ្ញាក់ផ្អើល​ ដែលជាទីពេញចិត្តពីហ្វេនៗគ្រប់គ្នា៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាកូរ៉េ