ឃើញឡិកឡក់ចឹងមែន Miss Grand ហុងកុង មានជីវប្រវត្តិមិនធម្មតា!

ហុងកុង៖ ជាការពិតណាស់ Miss Grand Hong Kong 2021 គឺនាង Sen Yang ដែលបានចូលរួមកម្មវិធី Miss Grand International ឆ្នាំនេះ បច្ចុប្បន្ននាងកំពុងទទួលបានការចាប់អារម្មណ៍ច្រើនពីបណ្ដាមហាជននៅជាច្រើនប្រទេស ដោយសារតែអំឡុងពេលនាងបង្ហាញខ្លួនក្នុងការប្រកួតនៅឯប្រទេសថៃ បវរកញ្ញារូបនេះ បានបញ្ចេញចរិតពិតៗមិនសម្ដែង ដោយសកម្មភាពរស់នៅរបស់នាងគឺ ឡិកឡក់ កំប្លុកកំប្លែង ធ្វើឬកពាឃ្យូតៗគួរឲ្យក្នាញ់ដូចកូនក្មេងយ៉ាងដូច្នោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក បើទោះបីសកម្មភាពទាំងនេះ មើលទៅហាក់ទាស់ភ្នែកសម្រាប់មនុស្សមួយចំនួនតូចពិតមែន ប៉ុន្តែអ្នកគាំទ្រភាគច្រើនពិតជាពេញចិត្តមិនស្ដីបន្ទោសនោះឡើយ ព្រោះបើនិយាយពីសម្រស់របស់នាង Sen Yang នាងក៏ស្រស់សោភា មានភាពឆ្លាតវៃ ហើយមានសមត្ថមភាពច្រើន និងក្លាហាន ពូកែថែមទៀតផង។

ជាពិសេស បើក្រឡែកមកចាប់អារម្មណ៍ពីជីវប្រវត្តិខ្លះៗ ក៏ដូចជាប្រវត្តិនៃការសិក្សារបស់បវរកញ្ញហុងកុងរូបនេះវិញ យើងឃើញថា នាងក៏មានប្រវត្តមិនធម្មតាដែរ។ ដោយនាង បានបញ្ចប់ថ្នាក់អនុបណ្ឌិតផ្នែកសិទ្ធមនុស្សពីសាកលវិទ្យាល័យ Glasgow ក្នុងចក្រភពអង់គ្លេស។ ហើយអំឡុងពេលរៀននៅអង់គ្លេសនោះ Sen Yang ក៏ធ្លាប់បាន​បញ្ចប់​វគ្គ​សិក្សា​ផ្នែក​ចម្រៀង​ អាចបកស្រាយបទចម្រៀងបានយ៉ាងពីរោះ។ ហើយក្រៅពីនេះ កន្លងមក នាងក៏បានលេចមុខ​ចូលរួមយ៉ាងសកម្មក្នុងសកម្មភាពសង្គម និងធ្វើការងារសប្បុរសធម៌ផងដែរ៕

• រូបភាព