ស្នេហ៍អូនទេ? ប្រុសៗសុំចាញ់ ក្រោយឃើញរាងនារីសាច់ដុំកង់ៗ ដ៏ស្រស់ស្អាតរូបនេះ

បរទេស៖ មានសាច់ដុំ កង់ៗមិនចាញ់បុរសប៉ុន្មាន នាង Julia Vins ជនជាតិរុស្សីវ័យ ២៤ឆ្នាំ បានចាប់ផ្តើមទៅកន្លែងហាត់ប្រាណនៅអាយុ១៥ឆ្នាំ ដោយសារតែនាងចង់ធ្វើឲ្យរាងកាយរបស់នាងមានភាពស្រស់ស្អាត និងមានសុខភាពល្អ។ បន្ទាប់​មកចំណង់​ចំណូល​ចិត្ត​ក្នុង​ការ​ហាត់​ប្រាណនេះ ​បាន​ធ្វើ​ឱ្យ​នារី​ជនជាតិរុស្ស៊ី​រូប​នេះ​សម្រេច​ចិត្តចាប់យក​បន្ត​វិថី​កីឡា​អាជីព។

ជាក់ស្តែង សព្វថ្ងៃនេះ នាងJulia Vins ត្រូវ​បាន​គេ​​ដាក់​រហស្សនាមឲ្យថា 'Muscle Barbie' ដោយ​សារ​មុខ​ដូច​តុក្កតា​ដ៏​គួរ​ឱ្យ​ស្រឡាញ់​របស់​នាង និង​សាច់ដុំ​រាង​កាយដ៏​មាំមួន ជាមួយនឹងកម្ពស់ ១៦៥ សង់ទីម៉ែត្រ និងទម្ងន់ ៦៥គីឡូក្រាម ព្រមទាំងរូបសម្រស់ដ៏ស្រស់ស្អាត ដែលធ្វើឲ្យនាងទទួលបានការគាំទ្រយ៉ាងខ្លាំង ពីសំណាក់ប្រុសៗ និងហ្វេនៗជាច្រើនផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរកត់សម្កាល់ផងដែលថា នាងJulia Vins ក៏ជា​​ម្ចាស់​ជើង​ឯក​ពិភព​លោក​បី​សម័យ​កាល​ ដោយទទួល​បាន​ឯតទគ្គកម្ម​ជាមួយ​នឹង​លើកក្នុង​ទម្ងន់ ២៥២,៥ គីឡូក្រាម និង​មាន​បំណង​លើក​ទម្ងន់ ២៨០ គីឡូក្រាម។ Julia បានបង្ហើបឲ្យដឹងថា ដំបូងឡើយគ្រួសាររបស់នាងមិនគាំទ្រនាងឱ្យដើរតាមគន្លងកីឡាអាជីពនោះទេ ប៉ុន្តែស្នាដៃរបស់នាងបានធ្វើឱ្យឪពុកម្តាយរបស់នាងទទួលយក និងគាំទ្ររូបនាងមកទល់នឹងពេលបច្ចុប្បន្ន៕

ចង់ឃើញថាតើ Julia Vins ស្រស់ស្អាតយ៉ាងណានោះ សូមទស្សនារូបភាពខាងក្រោមនេះ៖

• រូបភាព