រដ្ឋមន្ត្រីការបរទេសជប៉ុន ចេញសេចក្ដីថ្លែងការណ៍ លេីការយាងសោយព្រះទិវង្គត របស់សម្តេចក្រុមព្រះ នរោត្តម រណឫទ្ធិ

ជប៉ុន៖ ក្រោយបានទទួលដំណឹងថា សម្តេចក្រុមព្រះនរោត្តម រណឫទ្ធិ បានយាងចូលព្រះទីវង្គត ដែលធ្វើឱ្យប្រជាជនកម្ពុជាទាំងមូល មានកើតទុក្ខ និងសោកសង្រេងយ៉ាងខ្លាំង។

ដោយឡែក ការយាងសោយព្រះទិវង្គតរបស់សម្តេចក្រុមព្រះ នរោត្តម រណឫទ្ធិ ព្រះប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក៏មានវត្តមានរដ្ឋមន្ត្រីការបរទេស ហាយ៉ាស៊ី (HAYASHI Yoshimasa) បានចូលរួមសោកស្តាយចំពោះការបាត់បង់មួយនេះផងដែរ ដោយខ្លឹមសារមានដូចខាងក្រោម៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១) ក្នុងឱកាសនៃការយាងសោយព្រះទិវង្គតរបស់សម្តេចក្រុមព្រះ នរោត្តម រណឫទ្ធិ ព្រះ ប្រធានក្រុមឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា រដ្ឋាភិបាលជប៉ុនសូមសំដែងនូវសមានទុក្ខដ៏សែនក្រៀមក្រំ និងការសោកស្តាយជាទីបំផុត និងសូមចូលរួមរំលែកព្រះមរណទុក្ខយ៉ាងស្មោះអស់ពីដួងចិត្ត ជាមួយព្រះបាទសមេ្តចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា រាជវង្សានុវង្ស រាជរដ្ឋាភិបាល និងប្រជាជន កម្ពុជា។
២) សម្តេចក្រុមព្រះ នរោត្តម រណឫទ្ធិ បានចូលរួមចំណែកដល់ការស្តារ និងអភិវឌ្ឍប្រទេសកម្ពុជាឡើងវិញ ក្នុងព្រះឋានៈព្រះអង្គជានាយករដ្ឋមន្រ្តីទីមួយ បន្ទាប់ពីការបោះឆ្នោតឆ្នាំ១៩៩៣ ដែលត្រូវបានរៀបចំឡើងជាលើកដំបូងក្រោយពីកិច្ចព្រមព្រៀងសន្តិភាព និងជាព្រះប្រធានរដ្ឋសភាពីឆ្នាំ ១៩៩៨-២០០៦។
៣) សម្តេចក្រុមព្រះ នរោត្តម រណឫទ្ធិ បានលើកស្ទួយសន្តិភាព និងការស្តារប្រទេសឡើងវិញ ដោយមានកិច្ចសហការជាមួយប្រទេសជប៉ុន ហើយព្រះអង្គក៏បានចូលរួមចំណែកឲ្យមានការផ្លាស់ប្តូររវាងរដ្ឋាភិបាលនិងរដ្ឋាភិបាល និងរវាងសភានិងសភា នៃប្រទេសជប៉ុន និងកម្ពុជាផងដែរ។
៤) រដ្ឋាភិបាលជប៉ុន សូមចូលរួមព្រះមរណទុក្ខដ៏សែនក្រៀមក្រំ ចំពោះការបាត់បង់ដ៏ធំធេងនេះ និងសូមឧទ្ទិសបួងសួងថ្វាយព្រះវិញ្ញាណក្ខន្ធ សម្តេចក្រុមព្រះ នរោត្តម រណឫទ្ធិ បានយាងទៅកាន់ព្រះសុគតិភពកុំបីឃ្លៀងឃ្លាតឡើយ។

រដ្ឋមន្ត្រីការបរទេស ហាយ៉ាស៊ី(HAYASHI Yoshimasa)

សូមចូលអានសេចក្តីថ្លែងការណ៍របស់រដ្ឋមន្ត្រីការបរទេស ហាយ៉ាស៊ី(HAYASHI Yoshimasa)ខាងក្រោម៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

In Case You Missed It