ទីបំផុត Bella ចេញមុខបកស្រាយរឿងបែកគ្នាជាមួយ Weir ទាំងខ្សែភ្នែកឈឺចាប់

ថៃ៖ គឺជារឿងដ៏ភ្ញាក់ផ្អើល ពេញបណ្ដាលសង្គម និងសិល្បៈកម្សាន្ត បន្ទាប់ពីលេចឮដំណឹងបែកគ្នារបស់ គូស្នេហ៍តារាប្រុសស្រីដ៏ល្បី រវាង Bella និង Weir ដែលកំពុងធ្វើឱ្យហ្វេនៗតាមដានយ៉ាងកៀកកិត ក៏ដូចជាចង់ដឹងថាតើនេះគឺជាដំណឹងពិតឬយ៉ាងណា ។

ដោយឡែក ជុំវិញរឿងរ៉ាវមួយនេះ តារាស្រី Bella ស្រាប់តែបានចេញមកបកស្រាយដោយផ្ទាល់ និងបានបញ្ជាក់ថា នាង និងលោក Weir ពិតជាបានបញ្ចប់ទំនាក់ទំនងស្នេហា ៩ ឆ្នាំ របស់អ្នកទាំងពីរទៅហើយ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះដែរ នាងថែមទាំងបានលើកឡើងថា អ្នកទាំងពីរបានស្គាល់គ្នាជាយូរមកហើយ ហើយក៏បាន​សិក្សា​យល់ចិត្ត​គ្នា​គ្រប់​ពេល។ ប៉ុន្តែនៅពេលដែល វាមកដល់ចំណុចមួយ ដែលមានទស្សនៈខុសគ្នា។ អ្នកទាំងពីរ ក៏​បាន​យល់​ស្រប​ថាចាត់ទុកគ្នា ជា​បងប្អូនដ៏ល្អ និងជូនពរគ្នាទៅវិញទៅមក ព្រមទាំងបានបញ្ជាក់ថា ការបញ្ចប់ទំនាក់ទំនងស្នេហាមួយនេះ មិនមែនដោយសារតែរឿងលុយកាក់ និងអ្នកទីបី​នោះទេ។

យ៉ាងណាមិញ នេះគឺការបញ្ជាក់យ៉ាងច្បាស់ៗពីតារាស្រីរូបនេះ ដែលជាការចែកផ្លូវគ្នាជាមួយនឹងគូស្នេហ៍យ៉ាងពិតប្រាកដ ហើយហ្វេនៗជាច្រើនរបស់គូនេះ បានត្រឹមតែមានការសោកស្ដាយ និងមានការជូនពរ ព្រមទាំងសង្ឃឹមថាអ្នកទាំងពីរនិងមានជីវិត និងមិត្តភាពកាន់តែប្រសើរឡើង ៕

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ