ថៃនៅតែមានទំនុកចិត្ត ទោះមានមេរោគបំប្លែងថ្មី ក៏មិនប៉ះពាល់ ក្នុងបើកប្រទេសនោះទេ

ថៃ៖ ប្រទេសថៃនឹងមិនបោះជំហានថយក្រោយពីផែនការបើកដំណើរការប្រទេសឡើងវិញទេ បើទោះបីជាមានភាពមិនប្រាកដប្រជាអំពីមេរោគបំប្លែងថ្មី Omicron ហើយក្រសួងទេសចរណ៍ និងកីឡាក៏នឹងស្នើឱ្យមានការបន្ធូរបន្ថយបន្ថែមទៀតលើការលក់គ្រឿងស្រវឹង នេះបើយោងតាម​កាសែតប៉ុស្តិ៍បាងកក បានចេញផ្សាយ។

លោក Phiphat Ratchakitprakarn ប្រធានផ្នែកទេសចរណ៍ និងទេសចរណ៍បានលើកឡើងថា គ្មាននរណាម្នាក់ចង់បានការបិទព្រំដែនផ្សេងទៀតទេ ព្រោះវាពិតជាលំបាកសម្រាប់យើងក្នុងការបើកប្រទេសឡើងវិញនេះបើលោក មានប្រសាសនិ៍កាលពីថ្មីៗនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកបាននិយាយថា អ្នកដំណើរអន្តរជាតិក្នុងអំឡុងពេល ២៩ ថ្ងៃដំបូងនៃការបើកឡើងវិញមានចំនួនជាង ១សែននាក់ ដែលកើនឡើងទ្វេដងពី រយៈពេលបីខែមុន នៃតួលេខ​នេះ​បាន​បង្ហាញ​ថា យុទ្ធសាស្ត្រ​គ្មាន​ការ​ដាក់​ឱ្យ​នៅ​ដាច់​ដោយឡែក​ពី​គេ គឺជា​វិធី​ដ៏​ត្រឹមត្រូវ​ដើម្បី​ទាក់ទាញ​ភ្ញៀវ​ទេសចរ។

ខណៈដែលប្រទេសថៃ ត្រូវបានក្រសួងរំពឹងថានឹងមានភ្ញៀវទេសចរពី ៣សែន ទៅ ៤សែននាក់នឹងមកលេងប្រទេសថៃនៅចុងឆ្នាំ ដោយសារដូវរងា ក៏ដូចជាការដើរលេងដំណាច់ឆ្នាំដូច្នេះដែរ៕

ប្រភព៖ bangkokpost