ច្បាស់ហើយ! ម៉ារីម៉ា ជាគណៈកម្មការជ្រើសរើសក្នុងកម្មវិធីប្រកួត Miss Universe 2021

ហ្វីលីពីន៖ ពេលនេះ តារាសម្តែងស្រីដ៏ស្រស់របស់ហ្វីលីពីន ដែលមហាជន ភាគច្រើនស្គាល់រួចមកហើយ តាមរយៈខ្សែភាពយន្តហ្វីលីពីន ដែលចាក់បញ្ចាំងនៅលើកញ្ចក់ទូរទស្សន៍ CTN កន្លងមក គឺ អ្នកនាង Marian Rivera។

ដោយឡែក នាពេលថ្មីៗនេះ អ្នកនាង Marian Rivera ត្រូវបានជ្រើសរើសជាចៅក្រមគណៈកម្មការ នៅក្នុងកម្មវិធីប្រកួតបវរកញ្ញាចក្រវាល ឆ្នាំ២០២១នេះ ដែលកំពុងតែប្រព្រឹត្តិឡើង នៅក្នុងទីក្រុង Eilat ប្រទេសអ៊ីស្រាអែល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ក្នុងនោះដែរ កម្ពុជា បានជ្រើសរើសកញ្ញា ងិន ម៉ារ៉ាឌី ដែលជាបវរកញ្ញាចក្រវាលតំណាងកម្ពុជា ចូលរួមប្រកួតកម្មវិធីបវរកញ្ញាដែលប្រព្រឹត្តិ នៅប្រទេសអ៊ីស្រាអែល។

សូមបញ្ជាក់ផងដែរថា កញ្ញា ងិន ម៉ារ៉ាឌី ឬងិន រ៉ូហ្សា បានក្លាយជាម្ចាស់ជ័យលាភី ក្នុងកម្មវិធីប្រកួតសម្រស់មួយដ៏ធំ Miss Universe Cambodia 2021។ គួររំលឹកថា បវរកញ្ញារូបនេះ ក៏ធ្លាប់មានបទពិសោធន៍ជោគជ័យ ក្នុងរង្វង់សិល្បៈច្រើនក្រាស់ក្រែលផងដែរ ដោយធ្លាប់ជាតារាម៉ូដែលជាដើម៕