កល្យាណមិត្ត! ជប៉ុននឹងផ្ដល់វ៉ាក់សាំងបង្ការជំងឺកូវីដ១៩ ចំនួន៣០ម៉ឺនដូសបន្ថែមទៀតដល់កម្ពុជា ឆាប់ៗនេះ

រាជធានីភ្នំពេញ៖ នៅក្នុងឱកាសនៃកិច្ចប្រជុំជំនួបរវាងសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅព្រឹកថ្ងៃទី០១ ខែធ្នូ ឆ្នាំ២០២១នេះ ឯកឧត្តម គីស៉ីដា ហ្វីមីអូ នាយករដ្ឋមន្ដ្រីជប៉ុន បានបញ្ជាក់អំពីការផ្ដល់ជំនួយនូវវ៉ាក់សាំងបង្ការជំងឺកូវីដ១៩ ចំនួន៣០ម៉ឺនដូសបន្ថែមទៀត ដល់រាជរដ្ឋាភិបាលនិងប្រជាជនកម្ពុជា តាមរយៈយន្ដការកូវ៉ាក់ ដែលនឹងមកដល់នាពេលឆាប់ៗខាងមុខនេះ។

សូមរំលឹកផងដែលថា កាលពីពេលកន្លងទៅមិត្តជប៉ុន ក៏ធ្លាប់បានផ្តល់នៅវ៉ាក់សាំង ប្រភេទAstraZeneca ចំនួនជាង ៣៣០,០០០ ដែលផលិតក្នុងប្រទេសជប៉ុន និងផ្តល់ជាអំណោយពីរាជរដ្ឋាភិបាលជប៉ុនតាមរយៈយន្តការកូវ៉ាក់ បានមកដល់កម្ពុជា កាលពីថ្ងៃទី២៣ ខែកក្កដា ឆ្នាំ២០២១ កន្លងទៅ៕

• រូបភាព