សម្តេចតេជោ ហ៊ុន សែន បញ្ជាក់អត្ថន័យ «ដើមឈើចាំស្នេហ៍ និងសិលាចាំស្នេហ៍»

ព្រះសីហនុ ៖ ពិតណាស់ កាលពីរសៀលថ្ងៃទី ០១ ធ្នូ ២០២១ កន្លងទៅ នេះ នៅ ក្នុងឱកាសអញ្ជើញចុះពិនិត្យមើលសមិទ្ធផលហេដ្ឋារចនាសម្ព័ន្ធនានា នៅខេត្តព្រះសីហនុ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបកស្រាយថា «ដើមឈើចាំស្នេហ៍ ឬសិលាចាំស្នេហ៍»។

ក្នុងនោះ សម្តេចបានបញ្ជាក់ថា «ដើមឈើចាំស្នេហ៍ ឬសិលាចាំស្នេហ៍» គឺតំណាងឱ្យភាពគង់វង្ស បានន័យថា ការពារសន្តិភាពមិនឱ្យបាត់បង់ ការពារឯករាជ្យអធិបតេយ្យជាតិ ការពារ របបរាជានិយម រាជបល្ល័ង្ក និងការពារអ្វីដែលមាននាពេលបច្ចុប្បន្នឱ្យបានគង់វង្សយូរអង្វែងតទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាងនេះទៅ ទៀត សម្តេចតេជោ បានបន្ថែមថា ពាក្យដើមឈើចាំស្នេហ៍ ឬសិលាចាំស្នេហ៍ គឺថាពាក្យថា ចាំមិនដែលជួប គឺបានសេចក្តីនៅ ទីនេះគឺចាំរហូតតែម្តង បើជួបគ្នាហើយគេមិនហៅ ថាចាំទេ សិលាក៏អញ្ចឹងដែរ ដែលហៅ ថាពាក្យថាចាំគឺមិនដែលជួបទេ។

ដោយត្រង់ចំណុចនេះ សម្ដេចតេជោ ចង់សំដៅទៅ លើភាពគង់វង្សជាអមតៈរបស់វា គឺសំដៅ ច្បាស់ ទៅ​ លើសន្តិភាពនៃប្រទេសនេះមិនត្រូវបាត់បង់ទេ មិនអាចឱ្យនរណាបំផ្លាញទេ របបរាជានិយមអាស្រ័យធម្មនុញ្ញ រាជបល្ល័ង្កមិនត្រូវបាននរណាប្រឆាំងទេ ទោះបីនរណាគំរាមកំហែងបំផ្លាញក៏ដោយ។ ដោយឡែកស្ថានភាពនៅ ទីនេះក៏ដូចគ្នាដែរ ផ្លូវនេះមិនត្រូវឱ្យបាត់បង់ តំបន់នេះមិនត្រូវឱ្យបាត់បង់ទេ នៅ តែជារបស់ប្រជាជនកម្ពុជាជានិច្ច ដែលគាត់មានសិទ្ធិមកលេងកំសាន្តនៅ ទីនេះ៕

បើចង់ដឹងឲ្យកាន់តែច្បាស់ថែមទៀតនោះ តោះទៅ មើលរូបភាពខាងក្រោម ៖

ប្រភព ៖ Samdech Hun Sen, Cambodia Prime Minister

• ជីវិត
• រូបភាព