ទីបំផុត! មិត្តចិន ផ្តល់សិទ្ធិឱ្យកម្ពុជាផលិតវ៉ាក់សាំងកូវីដ១៩ ក្នុងទឹកដីខ្លួនហើយ​

ខេត្ត​ព្រះ​សីហ​នុ៖ នៅថ្ងៃទី០២ ខែធ្នូ ឆ្នាំ២០២១នេះ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានប្រកាសថា កម្ពុជា បានទទួលសិទ្ធិពីប្រទេសចិន ក្នុងការផលិតវ៉ាក់សាំងបង្ការកូវីដ១៩ ហើយ ដែលជាផលិតផលចុងក្រោយនៅកម្ពុជា។

ការថ្លែងបែបនេះរបស់សម្តេចតេជោ ធ្វើឡើង​ក្នុង​ពិធី​សម្ពោធ​ដាក់​ឱ្យ​ប្រើប្រាស់​នូវ​សមិទ្ធផល​ជា​ច្រើន​មាន​តម្លៃ​ប្រមាណ ៣០០​លាន​ដុល្លារ​អា​មេ​រិ​ក ក្នុង​ក្រុងព្រះសីហនុ។ ក្នុងនោះ សម្តេច​ មានប្រសាសន៍​ថា ក្រោម​កិច្ចព្រមព្រៀង​រវាង​ក្រុមហ៊ុន​នៅ​កម្ពុជា និង​ក្រុមហ៊ុន​ចិន និង​មានការ​គាំទ្រ​រវាង​រដ្ឋាភិបាល នៃ​ប្រទេស​ទាំង​ពីរ កម្ពុជា​-​ចិន ទីបំផុត​កម្ពុជា​អាច​ផលិត​វ៉ាក់សាំង ស៊ី​ណូ​វ៉ា​ក់​នៅ​ក្នុង​ទឹកដី​ប្រទេស​កម្ពុជា ហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនោះ ប្រមុខរាជរដ្ឋាបាល​បន្ត​ថា៖

បើទោះបីជាកម្ពុជាទទួលបានសិទ្ធិផលិតវ៉ាក់សាំងក្នុងប្រទេសខ្លួនក្តី ​សម្តេចតេជោ ហ៊ុន សែន ​បន្ត​អំពាវនាវ​ឱ្យ​ពលរដ្ឋ​បន្ត​ប្រុង​ប្រយ័ត្ន​និង​ការពារ​ខ្លួន​ពី​ជំងឺ​កូ​វី​ដ​-១៩ បើ​ទោះបីជា​អត្រា​នៃ​ការ​ឆ្លង​កូ​វី​ដ​-១៩ នៅ​កម្ពុជា​រក​ឃើញ​មានការ​ធ្លាក់​ចុះ​ច្រើន​ជា​បន្តបន្ទាប់​៕