ភ្លេចខ្លួនៗ គិតមកទល់ពេលនេះ វីរុសបំប្លែងខ្លួន omicron វាយលុកចូលប្រទេសទាំងនេះ ក្នុងពិភពលោក

អន្តរជាតិ៖ មេរោគបំប្លែងខ្លួនថ្មី omicron ត្រូវបានគេរកឃើញនៅក្នុងប្រទេសចំនួន ២៤ ហើយ គិតត្រឹមថ្ងៃពុធនេះ ដោយសហរដ្ឋអាមេរិកបានក្លាយជាប្រទេសចុងក្រោយគេដែលបញ្ជាក់អ្នកធ្វើដំណើរដែលបានធ្វើតេស្តវិជ្ជមានឃើញមេរោគបំប្លែងថ្មីនេះ ដែលបានមានសមត្ថភាពឆ្លងលឿន ខណៈដែលវាបន្តរីករាលដាលឆ្លងព្រំដែន។ នេះបើតាមការចុះផ្សាយរបស់ទស្សនវដ្តី Forbes។

ដោយឡែក ទន្ទឹមនេះ អគ្គនាយក WHO លោក Tedros Adhanom Ghebreyesus បានប្រាប់អ្នកយកព័ត៌មានកាលពីថ្ងៃពុធ ខណៈដែលអង្គការសុខាភិបាលពិភពលោក កំពុងតែផ្តោតខ្លាំងលើមេរោគបំប្លែងថ្មី omicron នេះ។ មេរោគបំប្លែងថ្មី "មិនគួរធ្វើឱ្យយើងភ្ញាក់ផ្អើលទេ ព្រោះនេះជាអ្វីដែលមេរោគធ្វើ ហើយនឹងបន្តធ្វើដរាបណាយើងអនុញ្ញាតឱ្យវាបន្តរីករាលដាល”។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពដដែលបានឱ្យដឹងថា មេរោគបំប្លែងថ្មី omicron ត្រូវបានរកឃើញនៅក្នុងប្រទេសចំនួន ២៤ ហើយ រួមមាន៖ សហរដ្ឋអាមេរិក កាណាដា អាហ្វ្រិកខាងត្បូង បូតស្វាណា នីហ្សេរីយ៉ា អារ៉ាប៊ីសាអូឌីត ហុងកុង អាល្លឺម៉ង់ អ៊ីស្រាអែល ចក្រភពអង់គ្លេស អ៊ីតាលី អាល្លឺម៉ង់ បែលហ្ស៊ិក អ៊ីស្រាអែល និងហូឡង់៕

ប្រភព៖ Forbes