លះល្អណាស់! ប៉ូគឹមថេង សុតធីតា ដើរលើឆាក Miss Grand ទទួលការពេញចិត្តខ្លាំង(មានវីដេអូ)

រាជធានីភ្នំពេញ ៖ ពិតណាស់ ការប្រកួត Miss Grand Internation នៅប្រទេសថៃ សព្វថ្ងៃនេះ កំពុងតែស្ថិតនៅក្នុង ដំណើរការនៃការប្រកួតប្រជែង ក្នុងនោះ បវរកញ្ញា ប៉ូគឹមថេង សុតធីតា ជាបវរកញ្ញាតំណាងប្រទេសកម្ពុជា ចូលរួមការប្រកួតឆាកអន្តរជាតិមួយនេះ។

យ៉ាងណាមិញ កាលពីយប់មិញនេះ ការប្រកួតបានមកដល់វគ្គ Preliminary Competition ក្នុងនោះ គេឃើញ បវរកញ្ញាខ្មែររូបនេះ ធ្វើបានយ៉ាងល្អបំផុត មិនតែប៉ុណ្ណោះ ក៏ទទួលបានការកោតសរសើរ ព្រមជាមួយនឹង សម្លេងគាំទ្រលើកញ្ញាកាន់តែច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែងក្នុងនោះ មហាជនផ្ទុះការចាប់អារម្មណ៍ លើសមត្ថភាពដើររបស់ បវរកញ្ញារូបនេះ មើលទៅពិតជា ពោរពេញដោយភាពក្លាហាន និងជឿជាក់ជាខ្លាំង ព្រោះពីមួយជំហានទៅមួយជំហាន បវរកញ្ញារូបនេះ បោះដោយគ្មានភាពភ័យខ្លាច ឫដើរស្ទាក់ស្ទើរនោះឡើយ លើសពីនេះទៅទៀត សូម្បីតែទម្រង់ទឹកមុខ ក៏បវរកញ្ញារូបនេះ បង្ហាញដោយភាពស្រស់ស្រាយ និងស្នាមញញឹមពព្រាយផងដែរ ដែលនេះ ធ្វើឲ្យមហាជន ពេញចិត្តលើបវរកញ្ញាតំណាងកម្ពុជារូបនេះជាខ្លាំង រហូតដល់ការរំពឹង នឹងទទួលបានលទ្ធផលល្អប្រសើរមកមាតុភូមិវិញ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

ប្រភព ៖ Miss Grand Cambodia

• ការងារ
• ជីវិត
• វីដេអូ
• រូបភាព
• តារាខ្មែរ