មិនសមណា Krist ជួបគ្រោះថ្នាក់ គ្រាន់បើកបរត្រឹមល្បឿននេះសោះ

ថៃ៖ ធ្វើឲ្យអ្នកគាំទ្រជាច្រើន ភ្ញាក់ផ្អើល បន្ទាប់ពីដឹងថា តារាសម្តែងវ័យក្មេង លោក Krist Perawat បានជួបគ្រោះថ្នាក់ចរាចរណ៍ ក្រឡាប់ឡាននូវតាមផ្លូវ តែជាសំណាងល្អ តារាប្រុសរូបនេះ មិនបានរងរបួសធ្ងន់ និងចេញពី​រថយន្ត​ដោយ​សុវត្ថិភាព ។

ដោយឡែក កាលពីថ្ងៃទី ២ ខែធ្នូ កន្លងទៅនេះ លោក Krist Perawat ក៏បានចេញមកបង្ហាញថា ខ្លួនមិនមានរបួសអ្វីច្រើនទេ មាន​តែ​របួស​ជង្គង់ និងធ្វើការពិនិត្យកាំរស្មីអ៊ិច ដែលគ្មានអ្វីត្រូវព្រួយបារម្ភនោះឡើយ។ ម៉្យាងវិញទៀត តារាប្រុសរូបនេះ ​ថែមទាំងបានបង្ហើបថា នៅពេល​កើត​ហេតុ ​រូបលោក បាន​បើក​បរ​ក្នុង​ល្បឿន​ទាប ​ប្រហែល​ ៤០ ទៅ ៥០​ គីឡូម៉ែត្រ​ក្នុង​មួយ​ម៉ោងតែប៉ុណ្ណោះ ប៉ុន្តែ​ក៏បាន​ជួបនឹង​ឧបសគ្គ ហើយ​ត្រូវ​គេច​ចេញ រួច​ក៏​ជ្រុល​ទៅ​បុក​កង់​រថយន្ត ​ដែល​ចត​នៅ​ចិញ្ចើម​ផ្លូវ បណ្តាល​ឱ្យ​រថយន្ត​របស់​ខ្លួន ​បាត់បង់​ការ​គ្រប់គ្រង និង​ក្រឡាប់ តែម្ដង ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ លោក Krist បានបង្ហាញបន្ថែមទៀតថា រូបលោកត្រូវតែសុំទោស ដែលបានបង្កបញ្ហាដល់អ្នកដែលប្រើប្រាស់ផ្លូវ ជុំវិញតំបន់នោះ ដែលជាប់ស្ទះចរាចរណ៍រាប់ម៉ោង ហើយក្រោយពី​កើត​ហេតុ​ក្រុម​គ្រួសារ​របស់លោក មិន​ចង់ឲ្យ​បើក​បរ​ទៀត​ទេ ដោយ ត្រូវត្រឡប់ទៅប្រើ អ្នកបើកបរឡើងវិញ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ