ភ្ញាក់ផ្អើលខ្លាំង ក្រោយ V ស្លៀកឈុត Squid Game ហើយរាំបទ Permission To Dance

កូរ៉េខាងត្បូង៖​ ចាប់តាំងពីបទចម្រៀង Permission To Dance ដែលបានសម្តែងលើឆាកប្រគុំតន្ត្រីនៅរដ្ឋ Los Angeles ក្រុមចម្រៀង BTS បានផ្តល់ជូន ក្រុមអ្នកគាំទ្រ ARMYs នូវមាតិកា និងអនុស្សាវរីយ៍ការចងចាំដ៏អស្ចារ្យ ដើម្បីកំដរអារម្មណ៍អ្នកគាំទ្រ។ ថ្វីត្បិតតែជិតដល់ម៉ោងបញ្ចប់របស់ពួកគេ នៅក្នុងទីក្រុងក៏ដោយ ប៉ុន្តែនៅយប់ទីបីនៅកីឡាដ្ឋាន SoFi ក្រុមចម្រៀងដ៏អស្ចារ្យនេះ បានបន្តបង្ហាញពីទេពកោសល្យ និងសមត្ថភាពសម្តែងដ៏អស្ចារ្យរបស់ពួកគេនៅលើឆាកដើម្បីឱ្យ ARMYs ទូទាំងពិភពលោកបានឃើញ។

ជាពិសេស ARMYs ទទួលបានភាពភ្ញាក់ផ្អើលពិសេសពីសមាជិក V។ ក្នុងអំឡុងពេលនៃការប្រគុំតន្ត្រី សមាជិកទាំងអស់ បានបញ្ចេញពន្លឺជាមួយនឹងរូបភាពដ៏ស្រស់បំព្រងរបស់ពួកគេ និងសម្លៀកបំពាក់ដ៏អស្ចារ្យនៅលើឆាក ប៉ុន្តែវាហាក់ដូចជា V ចង់សាកល្បងអ្វីដែលថ្មី និងបង្ហាញពីផ្នែកប្លែកៗដែលអ្នកគាំទ្រ ធ្លាប់រំពឹងទុករួចមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅពេលដែលសមាជិកបានទៅផ្លាស់ប្តូរសម្លៀកបំពាក់កំឡុងពេលសម្តែង រួមទាំងម៉ូតសក់ដ៏គួរឱ្យស្រលាញ់មួយទៀតពីបុរសសង្ហារផ្អៀងពិភពលោក Jin និង V បានបង្ហាញខ្លួន ជាមួយសំលៀកបំពាក់ តួអង្គដែលធ្លាប់ស្គាល់៖ បុរសពាក់របាំងមុខ នៅក្នុងរឿងដែលល្បីបណ្តាញNetflix ពោលគឺរឿង Squid Game។

លើសពីនេះ នេះហាក់បីដូចជា សមាជិក V មានភាពសប្បាយរីករាយជាមួយនឹងឈុត Squid Game នេះ ហើយវាថែមទាំងធ្វើឱ្យ V បង្ហាញនូវភាពទាក់ទាញ និងបុគ្គលិកលក្ខណៈរបស់ខ្លួន ពេញមួយកម្មវិធី។ ជាពិសេស V បានរាំលេងយ៉ាងសប្បាយរីករាយជាមួយនឹងឈុតរឿង Squid Game និងពាក់របាំងមុខ៕