ទំពាំងស្អុយ! ទីបំផុតក្រុម​ក្មេង​ទំនើង​ Black boy ត្រូវបានសមត្ថកិច្ចបញ្ចូនឡើងតុលាការហើយ

រាជធានីភ្នំពេញ៖ កាលពី​រសៀល​ថ្ងៃ​ទី​០២ ​ធ្នូ ឆ្នាំ​២០២១ ក្រុម​ក្មេង​ទំនើង​ដែលមានឈ្មោះថា Black boy មានសមាជិកចំ​នួន​៩​នាក់ ត្រូវ​បាន​កម្លាំង​សមត្ថកិច្ច​នគរបាល​ខណ្ឌ​សែន​សុខបញ្ជូន​ទៅ​កាន់​សាលាដំបូង​រាជធានី​ភ្នំពេញហើយ ក្រោយបានប្រើកាំបិត​តាំង​តោ កាប់​ជន​រង​គ្រោះ​រហូត​​បណ្តាល​ឲ្យ​រង​របួស​ជា​ទម្ងន់ និងត្រូវបញ្ចូនទៅសម្រាកនៅ​មន្ទីរពេទ្យ​កាល​ម៉ែត្រ ។

សូមរំលឹកផងដែលថា បន្ទាប់​ពី​បានទទួលដំណឹងស្តីអំពីហិង្សាដ៏កក្រើកនេះ ​ភ្លាមៗនោះ​កម្លាំង​សមត្ថកិច្ច​ជំនាញ​ខណ្ឌ និងនគរបាល​ប៉ុ​ស្តិ៍បាន​បើក​ការ​ស្រាវជ្រាវ​ឈាន​ទៅ​ឃាត់ខ្លួន​ជនសង្ស័យ​៩នាក់​ខាងលើ ​នៅ​ចំណុច​បន្ទប់​ជួល​លេខ​៨ ភូមិ​ដើ​មគរ សង្កាត់​ជ្រោយចង្វារ ខណ្ឌ​ជ្រោយចង្វារ នៅ​ថ្ងៃ​ទី​២៩ ខែវិច្ឆិកា ឆ្នាំ​២០២១ វេលា​ម៉ោង​២ យប់ នឹង​បាន​នាំ​ពួក​គេ​ទៅ​កាន់​អធិការ​ដ្ធា​ន​នគរបាល​ខណ្ឌ​ឬ​ស្សី​កែវ និង​បាន​កសាង​សំណុំ​រឿង​តាម​និ​តិ​វិធីច្បាប់ជាធរមាន ៕

• រូបភាព